മകളുടെ ഒന്നാം പിറന്നാള്‍ ആഘോഷമാക്കി ഗിന്നസ് പക്രുവും കുടുംബവും; ചിത്രങ്ങള്‍

മലയാളികളുടെ പ്രിയപ്പെട്ട താരങ്ങളിലൊരാളാണ് ഗിന്നസ് പക്രു എന്ന അജയകുമാർ. പലപ്പോഴും കുടുംബവിശേഷങ്ങൾ സോഷ്യൽ മീഡിയയിലൂടെ താരം പങ്കുവയ്ക്കാറുണ്ട്. ഇപ്പോഴിത തന്റെ പുതിയ വിശേഷം പങ്കുവച്ചിരിക്കുകയാണ് താരം. തന്റെ ഇളയമകൾ ദ്വിജക്ക് ഒന്നാം പിറന്നാൾ ആയെന്നാണ് പക്രുവും, ഗായത്രിയും അറിയിച്ചത്.

കഴിഞ്ഞവർഷമാണ് പക്രുവിന് ഒരു മകൾ കൂടി ജനിച്ചത്. ദീപ്തകീർത്തിയെന്നാണ് പക്രുവിന്റെ മൂത്ത മകൾ. ദീപ്തക്ക് മുൻപേ ഇരുവർക്കും മുൻപേ ഒരു കുഞ്ഞുകൂടി പക്രുവിന് ഉണ്ടായിരുന്നു.

ആദ്യമകളുടെ ജനനവും, അതിനെ നഷ്ടമായതിനെക്കുറിച്ചുമെല്ലാം പക്രു തുറന്നു പറഞ്ഞിരുന്നു. അവളുടെ വിയോഗത്തിന് പിന്നാലെയാണ് രണ്ടുപൊന്നോമനകളെ കൂടി ദൈവം പക്രുവിന് നൽകിയത്.2006 ല്‍ ആയിരുന്നു അജയ് കുമാര്‍ എന്ന ഗിന്നസ് പക്രുവിന്റെയും ഗായത്രി മോഹന്റെയും വിവാഹം. 2008 ല്‍ ആയിരുന്നു ആദ്യത്തെ മകളുടെ ജനനം.

അമ്പിളിയമ്മാവന്‍ എന്ന ചിത്രത്തിലൂടെ 1986 ല്‍ ആണ് അജയകുമാര്‍ അഭിനയ ലോകത്തേക്ക് എത്തുന്നത്. ചെറിയ വേഷങ്ങളിലൂടെ ശ്രദ്ധ നേടിയെടുത്തു. ഒരു മുഴുനീള ചിത്രത്തില്‍ നായകനായി അഭിനയിച്ച ഏറ്റവും പൊക്കം കുറഞ്ഞ നായകന്‍ ആയിരുന്നു പക്രു.

ഗായത്രിയുമായുള്ള വിവാഹത്തിന് ഒരുപാട് നെഗറ്റീവുകൾ താൻ നേരിട്ടുവെന്ന് പക്രു മുൻപ് പലവട്ടം പറഞ്ഞിരുന്നു. വിവാഹത്തിന് മുമ്പ് ഞാൻ അത്യാവശ്യം സമയമെടുത്ത് സംസാരിച്ചു. പറഞ്ഞതെല്ലാം എന്റെ നെഗറ്റീവ് സൈഡുകളാണ് എന്നിട്ടും ഗയത്രി ഉറച്ചു നിന്നു.

തന്നെ കല്യാണം കഴിച്ചാലുണ്ടാവുന്ന ബുദ്ധിമുട്ടുകൾ എല്ലാം തുറന്നു പറഞ്ഞുവെങ്കിലും ഇതൊക്കെ താൻ നേരത്തെ ചിന്തിച്ച കാര്യങ്ങൾ ആണെന്ന് ഗായത്രി പറയുകയും സ്ട്രോങ്ങ് ആയ തീരുമാനം വിവാഹത്തിൽ എടുക്കുകയും ആയിരുന്നു എന്നാണ് പക്രു പറഞ്ഞിട്ടുള്ളത്.