തിരുവനന്തപുരം: സമ്മര് ബംപര് ലോട്ടറിയുടെ ഒന്നാം സമ്മാനമായ പത്തു കോടി കണ്ണൂര് ആലക്കോട് പരപ്പ സ്വദേശി നാസറിന്. എസ് സി 308797 എന്ന നമ്പറിലുള്ള ടിക്കറ്റിനാണു സമ്മാനം.
ആലക്കോട് ശ്രീ രാജരാജേശ്വര ഏജന്സിയാണ് ടിക്കറ്റ് വിറ്റത്. 50 ലക്ഷം രൂപയുടെ രണ്ടാം സമ്മാനം എസ്. എ 177547 എന്ന ടിക്കറ്റിനാണ്. ഇന്നലെ ഉച്ചയ്ക്ക് രണ്ടിന് തിരുവനന്തപുരത്തെ ഗോര്ഖി ഭവനിലായിരുന്നു നറുക്കെടുപ്പ്.
അച്ചടിച്ച 36 ലക്ഷം ടിക്കറ്റുകളില് 33.5 ലക്ഷം ടിക്കറ്റുകള് വിറ്റുപോയിരുന്നു. കഴിഞ്ഞ വര്ഷത്തെക്കാള് മൂന്നര ലക്ഷം ടിക്കറ്റുകള് അധികമാണ് ഇക്കുറി വിറ്റുപോയത്. ടിക്കറ്റ് വില 250 രൂപ. ഒന്നാം സമ്മാനമായി 12 കോടി രൂപ നല്കുന്ന വിഷു ബംപര് ടിക്കറ്റ് ഇന്നു പുറത്തിറക്കും.
മേയ് 29നു നറുക്കെടുക്കുന്ന ടിക്കറ്റിന്റെ വില 300 രൂപയാണ്. രണ്ടാം സമ്മാനം ഒരു കോടി വീതം 6 പേര്ക്കും മൂന്നാം സമ്മാനം 10 ലക്ഷം രൂപ വീതം 6 പേര്ക്കും നല്കും.
