മലയാളത്തില് മാത്രമല്ല ദേശീയ അന്തര്ദേശീയ തലത്തില് വരെ ശ്രദ്ധ നേടിയ മലയാള താരമാണ് പൃഥ്വിരാജ് സുകുമാരന്. മലയാളത്തിൽ മികച്ചു നിൽക്കുന്ന താരം റിലീസ് കാത്തിരിക്കുന്ന ബോളിവുഡ് ചിത്രത്തിലും എത്തുന്നു.
അക്ഷയ്കുമാര്, ടൈഗര് ഷ്റോഫ് എന്നിവര് മുഖ്യവേഷത്തിലെത്തുന്ന ബഡേ മിയാന് ചോട്ടെ മിയാന്' എന്ന ചിത്രത്തിൽ കബീര് എന്ന വില്ലന് കഥാപാത്രത്തെയാണ് പൃഥ്വിരാജ് അവതരിപ്പിക്കുന്നത്.
ഇപ്പോഴിതാ സിനിമയുടെ ട്രെയിലർ പങ്കിടുകയാണ് താരം. ‘‘ഒരു ലക്ഷ്യം മാത്രം, പ്രതികാരം... അന്ത്യദിനം വരുന്നു!...’’ എന്ന ക്യാപ്ഷനാണ് താരം തന്റെ ബോളിവുഡ് സിനിമയുടെ ഫസ്റ്റ് ലുക്ക് ട്രെയിലര് പങ്കിട്ട് കുറിച്ചിരിക്കുന്നത്.
‘‘പ്രളയം...സര്വ്വനാശം വിതയ്ക്കുന്ന മഹാപ്രളയം...ഞാൻ പറയാൻ ഉദ്ദേശിക്കുന്നത് എന്താണെന്നു വച്ചാല്... പ്രളയം വരുകയാണ്...’’ എന്ന മലയാളം ആമുഖം ബാക്ക്ഗ്രൗണ്ട് സ്കോറായി നല്കിയാണ് പൃഥ്വിരാജ് ബഡേ മിയാന് ഛോട്ടേ മിയാന് സിനിമയുടെ ട്രെയിലർ പങ്കുവച്ചിരിക്കുന്നത്. മുടി നീട്ടി വളര്ത്തി ഒരു മാസ്ക് കൊണ്ട് മുഖം മറച്ച രീതിയിലാണ് പൃഥ്വിരാജിനെ അവതരിപ്പിക്കുന്നത്.
താരത്തിന്റെ മലയാളം ആമുഖത്തോടെയാണ് മുന്പ് ഇറങ്ങിയ ടീസര് ആരംഭിച്ചത്. ഇത് ആദ്യമായാണ് അക്ഷയും ടൈഗറും ഇന്ത്യയിലെ ഏറ്റവും വലിയ ആക്ഷന് സിനിമയില് ഒരുമിച്ച് അഭിനയിക്കുന്നത്. ഷാഹിദ് കപൂര് നായകനായ ബ്ലഡി ഡാഡി എന്ന ചിത്രത്തിന് ശേഷം അലി അബ്ബാസ് സഫര് ഒരുക്കുന്ന ചിത്രമാണിത്.
ഇതുവരെ കാണാത്ത റോളില് പൃഥ്വിരാജ് സുകുമാരനെ അവതരിപ്പിക്കുന്നതോടെ വില്ലനിസത്തിന്റെ പാരാമീറ്ററുകള് പുനര്നിര്വചിക്കുകയാണ് 'ബഡേ മിയാന് ചോട്ടെ മിയാന്'.
ഏറെ തീവ്രതയുള്ള പോസ്റ്റര്, മായാത്ത മുദ്ര പതിപ്പിക്കുന്ന ഒരു കഥാപാത്രത്തെ സൂചിപ്പിക്കുന്നു. 'ബഡേ മിയാന് ഛോട്ടേ മിയാന്' എന്ന സിനിമയില് നിന്ന് പ്രേക്ഷകര്ക്ക് എന്തെല്ലാം പ്രതീക്ഷിക്കാം എന്നതിന്റെ ഒരു നേര്ക്കാഴ്ച മാത്രമാണ് ഈ പോസ്റ്റര്.
