ഉണ്ണിമുകുന്ദന് നായകനായി എത്തിയ മാളികപ്പുറം സിനിമ നിറഞ്ഞ കൈയടിയോടെ ആരാധകര് സ്വീകരിച്ചത്. ഇന്നും ടിവിയില് സിനിമയിലെത്തുമ്പോള് പ്രേക്ഷകര് ആവേശത്തോടെയാണത് കാണാനിരിക്കുന്നത്. ഉണ്ണിമുകുന്ദന്റെ കരിയറിലെ തന്നെ വലിയൊരു ബ്രേക്കായി ആ സിനിമ മാറിയിരുന്നു. മാളികപ്പുറമായി പ്രേക്ഷകരുടെ മനസ്സും കണ്ണും നിറച്ച കല്ലു എന്ന കഥാപാത്രത്തിന് ഇന്നും വലിയ സ്വീകാര്യതയാണുള്ളത്.
ഇപ്പോഴിതാ മാളികപ്പുറത്തിലെ യഥാർത്ഥ കല്ലുവിന്റെ ചിത്രം പങ്കുവച്ചിരിക്കുകയാണ് തിരക്കഥാകൃത്ത് അഭിലാഷ് പിള്ള. റിലീസ് ആയതിന് ശേഷമാണ് വൈഗ എന്ന കുട്ടിയെക്കുറിച്ച് അറിയുന്നതെന്നും താൻ എഴുതിയ കഥയിലെ യഥാർത്ഥ കല്ലു എന്നുമാണ് താരം കുറിച്ചത്. കുട്ടിയുടെ അരങ്ങേറ്റത്തിന്റെ ചിത്രങ്ങള്ക്കൊപ്പമാണ് അഭിലാഷ് പിള്ള കുറിപ്പ് പങ്കുവച്ചത്.
‘‘മാളികപ്പുറം റിലീസ് ആയി കുറച്ചു ദിവസങ്ങള്ക്ക് ശേഷമാണ് ഞാൻ വൈഗയെ പറ്റി അറിയുന്നത്, ഞാൻ എഴുതിയ കഥയിലെ യഥാർത്ഥ കല്ല... ഇന്നലെ വൈഗയുടെ അരങ്ങേറ്റത്തിനു ദക്ഷിണ തരാൻ എന്നെ വിളിച്ചപ്പോള് ഒരു എഴുത്തുകാരൻ എന്ന നിലയില് കിട്ടുന്ന ഏറ്റവും വലിയ സ്നേഹമായി തോന്നി...’’ ചിത്രത്തിനൊപ്പം അഭിലാഷ് പിള്ള കുറിച്ചു.
അഭിലാഷ് പിള്ള പ്രേക്ഷക ശ്രദ്ധയാകര്ഷിച്ചത് മാളികപ്പുറം എന്ന വമ്പന് ഹിറ്റിന്റെ തിരക്കഥ എഴുത്തുകാരൻ എന്ന നിലയിലാണ്. വിഷ്ണു വിനയന് സംവിധാനം ചെയ്യുന്ന ആനന്ദ് ശ്രീബാലയാണ് അഭിലാഷ് പിള്ളയുടേതായി അണിയറയില് ഒരുങ്ങുന്ന പുതിയ ചിത്രം. അർജുൻ അശോകനും സൈജു കുറുപ്പുമാണ് ചിത്രത്തില് പ്രധാന വേഷത്തിലെത്തുന്നത്.
