തിരുവനന്തപുരം; ശക്തമായ മഴ മൂലം തിരുവനന്തപുരത്ത് നിന്നും യുഎഇയിലേക്കുള്ള നാല് വിമാനങ്ങള് റദ്ദാക്കി. ദുബായിലേക്കുള്ള എമിററ്റ്സ്, എയര് ഇന്ത്യ എക്സ്പ്രസ് വിമാനങ്ങളും ഷാര്ജയിലേക്കുള്ള ഇന്ഡിഗോ,എയര് അറേബ്യ വിമാനങ്ങളുമാണ് റദ്ദാക്കിയത്.
യു എഇയിലെ കനത്ത മഴ കാരണം നെടുമ്പാശ്ശേരിയില് നിന്നുള്ള അഞ്ച് വിമാനങ്ങള് യാത്ര നേരത്തെ റദ്ദാക്കിയിരുന്നു. ദുബായിലേക്കുള്ള മൂന്ന് വിമാനങ്ങളുടെയും ഷാര്ജയിലേക്കും ദോഹയിലേക്കുമുള്ള ഓരോ വിമാനവുമാണ് യാത്രയാണ് റദ്ദാക്കിയത്. ദുബായിലേക്കുള്ള ഫ്ലൈ ദുബായിയുടെ എഫ് ഇസെഡ് 454, ഇന്ഡിഗോയുടെ 6 ഇ 1475, എമിറേറ്റ്സിന്റെ ഇകെ 533 വിമാനങ്ങളാണ് റദ്ദാക്കിയത്. മഴ മുന്നറിയിപ്പ് കണക്കിലെടുത്ത് യാത്രക്കാര്ക്ക് നേരത്തെ അറിയിപ്പ് നല്കിയിരുന്നു. ഷാര്ജയിലേക്കുള്ള എയര് അറേബ്യയുടെ ജി9 423 വിമാനവും ദോഹയിലേക്കുള്ള ഇന്ഡിഗോ 6 ഇ 1343 വിമാനവും റദ്ദാക്കിയിട്ടുണ്ട് യുഎഇയിലെ മഴയുടെ സാഹചര്യം കണക്കിലെടുത്താകും പുനക്രമീകരണത്തിന്റെ കാര്യത്തില് അന്തിമ തീരുമാനമെടുക്കുക.
