തിരുവനന്തപുരം; സംസ്ഥാനത്ത് ഇന്നും നാളെയും ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്ക് സാധ്യത. കൂടാതെ മണിക്കൂറില് 30 മുതല് 40 കിലോമീറ്റര് വരെ വേഗത്തില് വീശിയേക്കാവുന്ന ശക്തമായ കാറ്റിനും സാധ്യതയുള്ളതായി കേന്ദ്ര കാലാവസ്ഥ വകുപ്പ്. ജാഗ്രതാ നിര്ദേശവും നല്കിയട്ടുണ്ട്.
എന്നാല് ബുധനാഴ്ച്ച വരെ പാലക്കാട് ജില്ലയില് താപനില 39°C വരെയും ആലപ്പുഴ ജില്ലയില് 38°C വരെയും കൊല്ലം, പത്തനംതിട്ട, തൃശൂര്, കോഴിക്കോട്, കണ്ണൂര് ജില്ലകളില് 37°C വരെയും കോട്ടയം, എറണാകുളം, മലപ്പുറം ജില്ലകളില് 36°C വരെയും (സാധാരണയെക്കാള് 2 - 3 °C കൂടുതല്) രേഖപ്പെടുത്താന് സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചു. ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില്, മലയോര മേഖലകളിലൊഴികെ ഏപ്രില് 24 വരെ ചൂടും ഈര്പ്പവുമുള്ള കാലാവസ്ഥയ്ക്കും സാധ്യതയുണ്ട്.
