തൊടുപുഴ: ആരാധികയായ വയോധികയോട് നര്മ്മ സല്ലാപം നടത്തുന്ന മോഹന്ലാലിന്റെ വീഡിയോ സോഷ്യല് മീഡിയയില് വൈറലാകുന്നു. മോഹന്ലാലും ശോഭനയും വര്ഷങ്ങള്ക്ക് ശേഷം ഒന്നിക്കുന്ന ചിത്രത്തിന്റെ ഷൂട്ടിംഗിനിടയില് നടന്ന സംസാരമാണ് വൈറലായിരിക്കുന്നത്.
സ്നേഹം പ്രകടിപ്പിച്ച ആരാധികയോട് പോരുന്നോ എന്റെ കൂടെ എന്നാണ് മോഹന്ലാല് ചോദിച്ചത്. ഇതിനു മറുപടിയായി ആരാധിക ഇല്ലെന്നും പറയുന്നു. ഈ ദൃശ്യങ്ങളാണ് ഇപ്പോള് സോഷ്യല് മീഡിയയില് നിറഞ്ഞിരിക്കുന്നത്.
തൊടുപുഴയില് ഷൂട്ടിങ് ആരംഭിച്ചിരിക്കുന്ന ചിത്രത്തിന്റെ ലൊക്കേഷനില് നിന്ന് ഹോട്ടലിലേക്ക് പോകാനിറങ്ങിയ മോഹന്ലാലിന്റെ മുന്നില് പ്രായമായ ഒരു അമ്മയെത്തി. തുടര്ന്ന് നടന്ന സംഭാഷണമാണ് സോഷ്യല് മീഡിയയില് നിറയുന്നത്.
നേരില് കണ്ടിട്ടും വിശ്വാസം വരാത്ത പോലെ ദേഹത്തൊന്ന് തൊട്ട് നോക്കിയും ഈ അമ്മ കുശലം പറഞ്ഞു. മോഹന്ലാലും ശോഭനയും 15 വര്ഷങ്ങള്ക്ക് ശേഷം ഒന്നിക്കുന്ന ചിത്രത്തിന്റെ ഷൂട്ടിങ്ങാണ് തൊടുപുഴയില് ആരംഭിച്ചിരിക്കുന്നത്.
