ന്യൂഡല്ഹി; ലോക്സഭാ തെരഞ്ഞെടുപ്പ് നടക്കാനിരിക്കുന്ന സാഹചര്യത്തില് ഡല്ഹിയില് കോണ്ഗ്രസിന് വന് തിരിച്ചടി.. ഡല്ഹി പ്രദേശ് കോമ്#ഗ്രസ് സംസ്ഥാന അധ്യക്ഷന് അരവിന്ദര് സിങ് ലവ് ലി രാജിവെച്ചു. രാജിക്ക് കാരണമായത
ആം ആദ്മി പാര്ട്ടി സഖ്യവുമായി ബന്ധപ്പെട്ട്, കോണ്ഗ്രസ് നേതൃത്വവുമായിട്ടുള്ള അഭിപ്രായ ഭിന്നതയാണെന്നാണ് റിപ്പോര്ട്ടുകല് സൂചിപ്പിക്കുന്നത്.
കോണ്ഗ്രസ് നേതൃത്വത്തിന് നാലുപേജുള്ള രാജികത്താണ് നല്കിയിരിക്കുന്നത്.
ഡല്ഹിയുടെ ചുമതലയുള്ള എഐസിസി ജനറല് സെക്രട്ടറി ദീപക് ബാബ്രിയയുമായുള്ള അഭിപ്രായ ഭിന്നതയാണ് രാജിയിലേക്ക് നയിച്ചതെന്നാണ് സൂചന. ബാബ്രിയയുടെ ഇടപെടലുകള് കത്തില് സൂചിപ്പിച്ചിട്ടുണ്ട്.
ബ്ലോക്ക് തലത്തിലുള്ള നിയമനങ്ങളില് പോലും പിസിസി പ്രസിഡന്റിന് അധികാരം നല്കുന്നില്ല. ഇതേത്തുടര്ന്ന് പാര്ട്ടി ബ്ലോക്ക് കമ്മിറ്റികളുടെ പ്രവര്ത്തനം നിര്ജീവമായ സ്ഥിതിയിലാണ്. എഎപി സഖ്യത്തിലെ തുടര്നടപടികള് തന്നോട് കൂടിയാലോചിച്ചില്ല. കനയ്യകുമാറിന്റെ ഡല്ഹിയിലെ സ്ഥാനാര്ത്ഥിത്വം പ്രഖ്യാപനത്തിന് തൊട്ടുമുമ്പാണ് താന് അറിഞ്ഞതെന്നും അരവിന്ദര് സിങ് ലവ് ലി ചൂണ്ടിക്കാട്ടുന്നു.
