രാമായണത്തില് രണ്ബീര് കപൂറിന്റെ രാമനായുള്ള ലുക്കിനെ വിമര്ശിച്ചതിന് ആരാധകര് നിരന്തരം അപമാനിക്കുന്നെന്ന പരാതിയുമായി യുവതി. മദ്ധ്യപ്രദേശുകാരിയായ യുവതി സൈബര്ക്രൈം യൂണിറ്റിന്റെ സഹായം തേടിയിരിക്കുകയാണ്. നിതേഷ് തിവാരി ഒരുക്കുന്ന സിനിമയില് രണ്ബീര്കപൂര് ശ്രീരാമനായും സായ്പല്ലവി സീതയായും എത്തുന്ന സിനിമയുടെ ഏതാനും ദൃശ്യങ്ങള് ഓണ്ലൈനിലൂടെ ലീക്കായി പുറത്തുവന്നിരുന്നു.
രണ്ബീറിന്റെ ശ്രീരാമനായുള്ള ലുക്കിനെ വിമര്ശിച്ച യുവതി നടന്റെ ആരാധകരെക്കൊണ്ടു സാമൂഹ്യമാധ്യമങ്ങളില് പൊറുതിമുട്ടിയിരിക്കുകയാണെന്നാണ് പരാതി. എക്സിലൂടെ യുവതി തനിക്കെതിരേ നടക്കുന്ന സൈബര് ബുള്ളിയിഗ് പുറത്തുവിട്ടു. തന്റെ എക്സ് ഹാന്ഡിലിലെ ചിത്രങ്ങള് എടുത്ത് എഡിറ്റ് ചെയ്ത് അശ്ളീലചിത്രങ്ങളും വീഡിയോകളും ഉണ്ടാക്കി അപമാനിക്കുകയാണ് എന്നാണ് യുവതി ഉയര്ത്തിയിരിക്കുന്ന ആരോപണം. ശല്യം കൂടിയതോടെ യുവതി മദ്ധ്യപ്രദേശ് സൈബര് പോലീസിനെ ബന്ധപ്പെട്ട് വിവരം നല്കിയിരിക്കുകയാണ്.
ഇക്കാര്യത്തില് അടിയന്തിരമായി ഇടപെട്ട് തന്നെ സഹായിക്കണമെന്നും അന്വേഷണം ആരംഭിക്കണമെന്നും യുവതി ആവശ്യപ്പെട്ടു. എഡിറ്റ് ചെയ്യപ്പെട്ട ഇമേജുകളുടെ ലിങ്കും സ്ക്രീന്ഷോട്ടും എല്ലാം നല്കിയിട്ടുണ്ട്. നിതേഷ് തിവാരി ഒരുക്കുന്ന സിനിമയില് രണ്ബീറിനെയും സായ്പല്ലവിയെയും കൂടാതെ യാഷ്, ലാറാദത്ത, അരുണ്ഗോവില് എന്നിവരും അഭിനയിക്കുന്നുണ്ട്. സിനിമയുടെ ഷൂട്ടിംഗ് ഇപ്പോള് നടന്നുവരുന്നത് മുംബൈയിലാണ്.
