എന്നും വാര്ത്തകളിലും വിവാദങ്ങളിലും പെടാറുള്ള ഷോയാണ് ബിഗ് ബോസ് മലയാളം. ബിഗ് ബോസിന്റെ ഓരോ സീസണുകളും ചൂടു പിടിച്ച ചര്ച്ചകളിലൂടെയാണ് കടന്നു പോകുന്നത്. എന്നാല് തുടങ്ങിയ ദിവസം മുതല് വിവാദപരാമര്ശങ്ങളില് നിറയുന്ന ഒരു സീസണാണ് ഇപ്പോഴത്തേത്. സീസണ് ആറ് ഒന്നാം ദിവസം മുതല് പ്രേക്ഷകർക്കിടയില് ചർച്ചാ വിഷയമാണ്. പത്തൊന്പത് മത്സരാർത്ഥികളുമായി ആരംഭിച്ച ഷോ അമ്പത് ദിവസം പിന്നിടുമ്പോള് പതിനേഴ് മത്സരാർത്ഥികളായി കുറഞ്ഞു. മിക്ക മത്സരാര്ത്ഥികളുടെയും പേരുകള് ചര്ച്ചകളില് വരാറുണ്ടെങ്കിലും ഷോ തുടങ്ങി രണ്ടാം ദിവസം മുതല് ഇതുവരെയും ഏറ്റവും കൂടുതല് ചർച്ച ചെയ്യപ്പെടുന്ന രണ്ട് പേരുകള് ഗബ്രിയുടേയും ജാസ്മിന്റേയുമാണ്. ഇരുവരും തുടക്കം മുതല് ഇതുവരെയും ലവ് ട്രാക്ക് പിടിച്ചാണ് ഹൗസില് നില്ക്കുന്നത്.
ഈ കമിതാക്കളുടെ പ്രണയ ചേഷ്ഠകളും അതിരുവിട്ട പ്രകടനങ്ങളും പലപ്പോഴും ചര്ച്ചകള്ക്ക് വഴിവച്ചിട്ടുണ്ട്. ജാസ്മിന്റെ ഗബ്രിയുമായുള്ള ലവ് ട്രാക്ക് കണ്ട് മാനക്കേട് സഹിക്കാൻ കഴിയാതെ പുറത്ത് ജാസ്മിനുമായി വിവാഹം ഉറപ്പിച്ചിരുന്ന അഫ്സല് എന്ന ചെറുപ്പക്കാരൻ വിവാഹത്തില് നിന്നും പിന്മാറി. പക്ഷേ പ്രണയമാണോയെന്ന് ജാസ്മിൻ ഗബ്രിയോട് ചോദിച്ചപ്പോള് നിന്നെ പ്രണയിക്കാനോ വിവാഹം കഴിക്കാനോ എനിക്ക് കഴിയില്ലെന്നായിരുന്നു ഗബ്രി നല്കിയ മറുപടി.
ഇപ്പോഴിതാ ജാസ്മിൻ-ഗബ്രി ജോഡിയെ കുറിച്ച് ബിഗ് ബോസ് മലയാളം സീസണ് അഞ്ച് വിജയി അഖില് മാരാർ പറഞ്ഞ കാര്യങ്ങളാണ് സോഷ്യല് മീഡിയയില് വൈറലാകുന്നത്. കെട്ടിപിടിച്ച് തടവി ഇരിക്കുന്നത് മാത്രമാണ് ജബ്രികളുടെ കണ്ടന്റെന്നും അത് കാണാൻ വേണ്ടിയാണെങ്കില് വേറെ സൈറ്റില് കയറിയാല് വീറും വൃത്തിയുമുള്ള തടവലുകള് കണ്ടൂടെ എന്നു അഖില് മാരാര് ചോദിക്കുന്നത്.
‘‘ഗബ്രിയുടെയും ജാസ്മിന്റെയും കണ്ടന്റുകള് ഒന്നും ഞാൻ കണ്ടിട്ടില്ല. കെട്ടിപിടിച്ച് തടവികൊണ്ടിരിക്കുന്നതല്ലേ അവരുടെ കണ്ടന്റുകളെല്ലാം. അത് കാണാനാണെങ്കില് വേറെ സൈറ്റില് കേറി കണ്ടാല് പോരേ. അത്രയും മോശമാണ് ജാസ്മിനും ഗബ്രിയുമെന്നാണ് പ്രേക്ഷകർ പറയുന്നത്. ഈ തടവല് കാണുന്നതിന് പകരം വീറും വൃത്തിയുമുള്ള വേറെ തടവലുകള് കണ്ടൂടെ. നമുക്ക് ഇതൊക്കയെ അതില് കാണാൻ പറ്റുന്നുള്ളു. പിന്നെ ഒരു അർത്ഥത്തില് നോക്കുകയാണെങ്കില് ഞാൻ പറയും ജാസ്മിനും ഗബ്രിയും ബുദ്ധിമാന്മാരാണെന്ന്. കാരണം അവർ ബാക്കിയുള്ള എല്ലാ എണ്ണത്തിനേയും പ്രേക്ഷകരേയും യുട്യൂബില് റിവ്യു പറയുന്നവരേയും വരെ അവർ മണ്ടരാക്കി.'
അമ്പത് ദിവസം കഴിഞ്ഞിട്ടും എല്ലാവരും ജബ്രി എന്നാണ് പറഞ്ഞുകൊണ്ടിരിക്കുന്നത്. ബിഗ് ബോസ് മലയാളം സീസണ് ആറ് എന്താണെന്ന് ചോദിച്ചാല് ജബ്രി എന്നാണ് എല്ലാവരും പറയുന്നത്. അതല്ലാതെ വേറെ എന്താണുള്ളത്. കഴിഞ്ഞ അമ്പത് ദിവസമായി ജബ്രിയെ കണ്ടുകൊണ്ടാണ് പ്രേക്ഷകർ ഇരിക്കുന്നത്.
ഇതിനുവേണ്ടിയാണോ കോടിക്കണക്കിന് രൂപ മുടക്കി ഒരു ഷോ നടത്തുന്നത്. സമൂഹത്തിന്റെ പ്രതിഫലനമായിരിക്കണം ബിഗ് ബോസ്. കഴിഞ്ഞ വർഷം വരെ പ്രേക്ഷകരും മത്സരാർത്ഥികളും തമ്മില് ഒരു ഇമോഷണല് ബോണ്ടിങ്ങുണ്ടായിരുന്നു. എന്റെ ചില ആരാധകരെ കണ്ട് എന്റെ കിളി പോയിട്ടുണ്ട്. ചോര കൊണ്ട് ഐ ലവ് യു എന്നെഴുതി അയച്ച പെണ്കുട്ടികളുണ്ട്. അതുപോലെ പച്ചകുത്തിയിട്ടുള്ള പെണ്കുട്ടികളുണ്ട്.
ഭർത്താക്കന്മാരെ നില്ക്കെ തന്നെ എന്നെ വന്ന് കെട്ടിപിടിച്ച പെണ്കുട്ടികളുണ്ട്. അവർക്ക് എന്നെ ജേഷ്ഠനെപ്പോലെ തോന്നിയതുകൊണ്ടാകാം. അമ്മമാരില് പലർക്കും അവരുടെ മകനെപ്പോലെ എന്നെ തോന്നിയിട്ടുണ്ട്. അതിന് കാരണം ഹൗസില് ഞാൻ ചെയ്ത ആക്ടുകളില് സത്യസന്ധത ഉണ്ടായിരുന്നുവെന്നതാണ്. അങ്ങനെ ഒരു ഇമോഷണല് ബോണ്ട് വന്നതാണ്...’’ അഖില് മാരാര് പറയുന്നു.
അമ്പത്തൊന്ന് ദിവസം പിന്നിടുമ്പോഴും പ്രേക്ഷകരില് ഭൂരിഭാഗത്തിനും ഒരു മത്സരാർത്ഥിയേയും ഫേവറേറ്റായി കണ്ട് വോട്ട് ചെയ്യാനോ അവർക്ക് വേണ്ടി ഫാൻ ഫൈറ്റ് നടത്താനോ തോന്നിയിട്ടില്ല. അതിന് കാരണം മത്സരാർത്ഥികളുടെ മോശം പ്രകടനം തന്നെയാണെന്നാണ് ഭൂരിപക്ഷം അഭിപ്രായം.
