മലയാളത്തില് മാത്രമല്ല തെന്നിന്ത്യ മുഴുവന് ആരാധകരുള്ള താരമാണ് മേഘ്ന സുന്ദര് രാജ്. പ്രിയപ്പെട്ട താരത്തിന്റെ വിശേഷങ്ങള് അറിയാൻ താല്പര്യപൂര്വം കാത്തിരിക്കാറുണ്ട് മലയാള പ്രേക്ഷകര്. മേഘ്ന രാജിന്റെ ഫോട്ടോകള് ഓണ്ലൈനില് തരംഗമാകാറുണ്ട്. കന്നഡ താരം ചിരഞ്ജീവി സര്ജയെ ദീര്ഘനാള് പ്രണയിച്ച ശേഷമാണ് മേഘ്ന ജീവിതത്തിലേക്ക് കൂട്ടിയത്. എന്നാല് ചിരഞ്ജീവി സര്ജയുടെ അകാല വിയോഗം പ്രേക്ഷകരെയും ആരാധകരെയും ഒരുപോലെ ഞെട്ടിച്ചതാണ്. മേഘ്ന രാജിനും ചിരഞ്ജീവി സര്ജയ്ക്കും ജനിച്ച കുഞ്ഞാണ് താരത്തെയും കുടുംബാംഗങ്ങളെയും സന്തോഷത്തിലാക്കുന്നത്. മകന്റെ വളര്ച്ചകളും വിശേഷങ്ങളുമൊക്കെ മേഘ്ന സോഷ്യല് മീഡിയയിലൂടെ പങ്കിടാറുണ്ട്.
ഇപ്പോഴിതാ വിവാഹവാര്ഷികത്തില് ചിരഞ്ജീവിയ്ക്കൊപ്പമുള്ള ചിത്രങ്ങള് പങ്കിട്ടിരിക്കുകയാണ് മേഘ്ന. തന്റെ ജീവിതത്തിലെ പ്രകാശമാണ് ഭര്ത്താവ് ചിരഞ്ജീവിയെന്ന് മേഘ്ന വിവാഹ വാര്ഷിക ദിനത്തില് കുറിച്ചു. ‘‘എന്റെ മിസ്റ്റർ റൈറ്റ്.....നിങ്ങൾ എന്റെ വെളിച്ചമാണ്... ഇരുണ്ട രാത്രികളില് തുരങ്കങ്ങളുടെ അവസാനമെത്തുന്ന വെളിച്ചം...വാര്ഷിക ആശംസകള് ചിരഞ്ജീവി സര്ജ...’’ എന്നാണ് മേഘ്ന കുറിച്ചിരിക്കുന്നത്. ചിരഞ്ജീവിയ്ക്കൊപ്പമുള്ള നല്ല ഓര്മ്മകളില് ജീവിക്കുകയാണ് മേഘ്ന ഇപ്പോഴും. ന്നു.പത്തു വര്ഷത്തെ സൗഹൃദത്തിന് ശേഷമാണ് മേഘ്ന ചിരഞ്ജീവിയെ ജീവിത പങ്കാളിയാകാന് തീരുമാനിച്ചത്.
അപ്രതീക്ഷിതമായുണ്ടായി ചിരഞ്ജീവിയ്ക്കുണ്ടായ ഹൃദയാഘാതം മേഘ്നയുടെ സന്തോഷം കവര്ന്നെടുത്തു. 2020 ജൂണ് 7നാണ് തെന്നിന്ത്യന് പ്രേക്ഷകരുടെ പ്രിയതാരം ചിരഞ്ജീവി സര്ജ മരിക്കുന്നത്. താരത്തിന്റെ നല്ല ഓര്മ്മകളെ ഒപ്പം കൂട്ടി തിരികെ ജീവിതത്തിലേക്ക് നടന്നു കയറുകയാണ് മേഘ്ന. ഭര്ത്താവ് മരിക്കുമ്പോള് മേഘ്ന ഗര്ഭിണിയായിരുന്നു. 2020 ഒക്ടോബര് 22 നാണ് താരം ആണ്കുഞ്ഞിന് ജന്മം നല്കിയത്. ചിരഞ്ജീവി സര്ജയുടെ അപ്രതീക്ഷിത വേര്പാടുണ്ടാക്കിയ വേദനയില് നിന്നും താരം കരകയറിയത് മകന്റെ വരവോടെയായിരുന്നു. ജൂനിയര് ചീരു എന്നാണ് ആരാധകര് ഇവരുടെ മകനെ വിളിക്കുന്നത്. സ്കൂളില് പോകുന്നു ആ കുഞ്ഞാണ് മേഘനയുടെ ഇപ്പോഴത്തെ ലോകം.
