ന്യൂഡല്ഹി; ഉപയോക്താക്കള്ക്കായി വാട്സ്ആപ്പില് പുതിയ ഓഡിയോ കോല് ബാര് ഫീച്ചര് കൊണ്ടുവരുന്നതായി റിപ്പോര്ട്ട്. ചില ആന്ഡ്രോയിഡ് ബീറ്റ ഉപയോക്താക്കള്ക്ക് ലഭ്യമാണ്. വാട്സ്ആപ്പിന്റെ അപ്ഡേറ്റ് പതിപ്പ് 2.24.10.18 ല് ഫീച്ചര് ലഭ്യമാകും.
ഉപയോക്താക്കള്ക്ക് കോളുകള് എളുപ്പത്തില് നിയന്ത്രിക്കാന് പുതിയ ഫീച്ചറിലൂടെ കഴിയും. കോള് ചെയ്യുമ്പോള് മറ്റെന്തെങ്കിലും ആവശ്യത്തിനായി ടാബിന് പുറത്തു കടന്നാല് കോള് വിന്ഡോയിലേക്ക് തിരിച്ചെത്താന് പച്ച സ്റ്റാറ്റസ് ബാറില് ടാപ്പുചെയ്യുന്നതാണ് നിലവിലെ രീതി.
എന്നാല് പുതിയ കോള് ബാര് അവതരിപ്പിക്കുന്നതോടെ ഉപയോക്താക്കള്ക്ക് എളുപ്പത്തില് കോള് മ്യൂട്ടുചെയ്യാനോ നേരിട്ട് കോള് അവസാനിപ്പിക്കാനോ കഴിയും, കോള് സ്ക്രീന് തിരഞ്ഞ് ബുദ്ധിമുട്ടേണ്ട.
