തെന്നിന്ത്യന് താരമായ ശരത്കുമാറിന്റെ മകളെന്ന ലേബലില് വെള്ളിത്തിരയിലെത്തി പിന്നീട് തന്റേതായ ഐഡന്റിറ്റി ഉണ്ടാക്കിയെടുത്ത താരമാണ് വരലക്ഷ്മി ശരത്കുമാര്. മലയാളത്തിലും താരത്തിന് നിറയെ ആരാധകരുണ്ട്. കസബയില് അഭിനയിച്ചശേഷമാണ് വരലക്ഷ്മി മലയാളി പ്രേക്ഷകർക്ക് കൂടുതല് സുപരിചിതയായി തുടങ്ങിയത്. അടുത്തിടെ താന് വിവാഹിതയാകാന് പോകുന്നുവെന്ന് വരലക്ഷ്മി ആരാധകരെ അറിയിച്ചിരുന്നു. മുംബെെയില് വെച്ചുള്ള വിവാഹനിശ്ചയത്തിന്റെ ചിത്രങ്ങളും താരം പങ്കിട്ടിരുന്നു. നിക്കോളായ് സച്ച്ദേവാണ് താരത്തിന്റെ പ്രതിശ്രുത വരൻ. എന്നാല് താരം സിനിമയില് വന്നകാലം തൊട്ട് വിശാല് അടക്കമുള്ള താരങ്ങളുമായി ചേർത്ത് ഗോസിപ്പ് കോളങ്ങളില് നിറഞ്ഞിട്ടുണ്ട്. അതുകൊണ്ട് തന്നെ വരലക്ഷ്മി വിവാഹിതയാകാൻ പോകുന്നുവെന്നത് ആരാധകർക്കും വലിയ സർപ്രൈസായിരുന്നു.
ഇപ്പോഴിതാ വരലക്ഷ്മി ലൊക്കേഷനില് നിന്നും പകർത്തിയ ഒരു റീലാണ് ശ്രദ്ധിക്കപ്പെടുന്നത്. വിവാഹം ചെയ്താല് ജീവിതം നന്നാവുമെന്ന് പറഞ്ഞാണ് വരലക്ഷ്മിയുടെ വീഡിയോ ആരംഭിക്കുന്നത്. കല്യാണം കഴിഞ്ഞാല് ജീവിതം മനോഹരമായിരിക്കുമെന്ന് വരലക്ഷ്മി പറയുമ്പോള് ആരുടെ എന്ന ചോദ്യം വരുന്നു. ഫോട്ടോഗ്രാഫേഴ്സ്, വീഡിയോഗ്രാഫേഴ്സ്, സാരി ഡ്രേപ്പിസ്റ്റ്സ്, മണ്ഡപത്തിന്റെ ആളുകള്, ഡെക്കറേഷന് ചെയ്യുന്നവര്, മേക്കപ്പ് ആര്ട്ടിസ്റ്റുകള്, കാറ്ററിങുകാര് ഇവര് എല്ലാവരുടെയും ജീവിതം വളരെ നന്നാവും. അതുകൊണ്ട് ദയവ് ചെയ്ത് വിവാഹം ചെയ്യൂ എന്നാണ് വരലക്ഷ്മി പറയുന്നത്.
തീര്ത്തുമൊരു ഫണ് വീഡിയോ ആണെന്ന് വീഡിയോ പങ്കിട്ട് താരം പ്രത്യേകം പറഞ്ഞിട്ടുണ്ട്. റീല് ക്ലിക്കായതോടെ ആരാധകരും വരലക്ഷ്മിക്കൊപ്പം കൂടി കമന്റുകള് കുറിച്ചു. കല്യാണം കഴിക്കുമ്പോള്ള് ഇത്രയും ആളുകളുടെ ജീവിതം രക്ഷപ്പെടും. പക്ഷെ ഡൈവോഴ്സ് ചെയ്യുമ്പോള് രക്ഷപ്പെടുന്നത് ഒരേ ഒരാള് മാത്രമായിരിക്കും... വക്കീല് എന്നാണ് റീലിന് ചിലർ മറുപടിയായി കുറിച്ചത്.
റീലിലെ വരലക്ഷ്മിയുടെ ലുക്കും ചർച്ചയായിട്ടുണ്ട്. ഒരു നിമിഷം സാമന്തയാണെന്ന് വിചാരിച്ചുവെന്ന് പലരും കുറിച്ചു. അടുത്തിടെയായി ഡയറ്റും വർക്കൗട്ടും എല്ലാം ചെയ്ത് സ്ലിം ബ്യൂട്ടിയായി മാറിയിട്ടുണ്ട് താരം.
വരലക്ഷ്മിയും നിക്കോളായ് സച്ച്ദേവും കഴിഞ്ഞ 14 വർഷമായി സുഹൃത്തുക്കളായിരുന്നു. ഇവരുടെ വിവാഹനിശ്ചയ ചിത്രങ്ങള് പുറത്തു വന്നപ്പോള് താരത്തിന്റെ വരൻ നിക്കോളായിയെ ബോഡി ഷെയിം ചെയ്തുള്ള പരിഹാസങ്ങള് വന്നിരുന്നു. പിന്നീട് നിക്കോളായിയുടേത് രണ്ടാം വിവാഹമാണെന്ന് ചൂണ്ടിക്കാട്ടിയായി വരലക്ഷ്മിക്ക് നേരെയുള്ള വിമര്ശനം. ഇതിനെല്ലാം കൃത്യമായ മറുപടിയും താരം നല്കിയിരുന്നു. ‘‘എന്റെ അച്ഛൻ പോലും രണ്ടുതവണ വിവാഹം കഴിച്ചു. അദ്ദേഹം സന്തോഷവാനായിരിക്കുന്നിടത്തോളം അതില് തെറ്റൊന്നുമില്ല. നിക്കിനെക്കുറിച്ച് ആളുകള് എങ്ങനെ സംസാരിക്കുന്നുവെന്ന് ഞാൻ കണ്ടു. അവൻ എന്റെ കണ്ണില് സുന്ദരനാണ്. ഞങ്ങളുടെ ബന്ധത്തെക്കുറിച്ച് മോശമായ അഭിപ്രായം പറയുന്നവരെ ഞാൻ കാര്യമാക്കുന്നില്ല. ഞാൻ എന്തിന് അതിനൊക്കെ ഉത്തരം പറയണം? അങ്ങനെ ചെയ്യുന്നത് തുടക്കം മുതലേ ഞാൻ ഒഴിവാക്കി...’’ വരലക്ഷ്മി പറഞ്ഞത് അങ്ങനെയാണ്.
ഈ വർഷാവസാനത്തോടെ വിവാഹമുണ്ടാകുമെന്നും വൈകാതെ ഇരുവരും വിവാഹ തീയതി പ്രഖ്യാപിക്കുമെന്നും റിപ്പോർട്ടുകളുണ്ട്. ശരത്കുമാറിന്റെ ആദ്യ ഭാര്യ ഛായയിലെ മകളാണ് വരലക്ഷ്മി. ഈ ബന്ധത്തില് വരലക്ഷ്മിക്ക് പുറമെ പൂജ എന്ന മകള് കൂടി ഇവര്ക്കുണ്ട്
.
