ഇന്ത്യയില് ഓട്ടോയില്ലാത്ത ഒരു നഗരം പോലും ഉണ്ടാകില്ല. കാരണം ഭൂരിഭാഗം ആളുകളും തിരക്കേറിയ നഗരങ്ങളില് ഓട്ടോറിക്ഷകളെയാണ് യാത്രയ്ക്കായി ആശ്രയിക്കുന്നത്. എന്നാല് ഇപ്പോഴിതാ അങ്ങ് കാലിഫോര്ണിയയിലെ തെരുവിലൂടെ പായുന്ന ഓട്ടോയുടെ ദൃശ്യങ്ങളാണ് നെറ്റീസണ്സിനിടയില് ശ്രദ്ധ നേടുന്നത്. ഓട്ടോ കണ്ട് പ്രവാസികളായ ആളുകള്ക്ക് നാടിനെ ഓര്മ്മ വരുമെന്ന കാര്യത്തില് തര്ക്കമില്ല. വീഡിയോയും ഈ ഒരു ഗൃഹാതുരത്വമാണ ഓര്മപ്പെടുത്തുന്നത്.
@manoharsrawat എന്ന ഇന്സ്റ്റഗ്രാം അക്കൗണ്ടാണ് വീഡിയോ പങ്കുവച്ചിരിക്കുന്നത്. 'കാലിഫോര്ണിയയിലെ ഓട്ടോ റിക്ഷ. #ആര്ട്ടിസിയ' എന്ന് കുറിച്ചുക്കൊണ്ടാണ് വീഡിയോ പങ്കുവച്ചിരിക്കുന്നത്. പശ്ചാത്തലത്തില് കഭി ഖുഷി കഭി ഗം എന്ന സിനിമയില് നിന്നുള്ള ഗാനവും പങ്കുവയ്ക്കപ്പെട്ടു. വീഡിയോ പങ്കുവയ്ക്കപ്പെട്ടതിന് പിന്നാലെ ഇരുരാജ്യങ്ങളിലെയും പൊതുഗതാഗത സംവിധാനത്തെ കുറിച്ചുള്ള ചര്ച്ചയും നടന്നു. 'യുഎസില് പൊതുഗതാഗതം വളരെ ആവശ്യമാണ് ' ഇന്ത്യയില് നിന്നും യുഎസിലേക്ക് കുടിയേറിയ ഒരു ഇന്ത്യന് പ്രവാസി ആവശ്യം ഉന്നയിച്ചു.
മറ്റ് ചിലര് തങ്ങള് ആ ഓട്ടോയെ ആര്ട്ടിസിയയിലും മറ്റിടങ്ങളിലുമായി കാണാറുണ്ടെന്ന് കുറിച്ചു. 'അവിടെ കണ്ടു, ഇവിടെ കണ്ടു' തുടങ്ങിയ നിരവധി കമന്റുകളും വീഡിയോയ്ക്ക് താഴെ എത്തുന്നുണ്ട്. 'ഇന്നലെ ഇത് പയനിയര് ബ്ലിവിഡിയില് കണ്ടു. രണ്ടുതവണ നോക്കേണ്ടി വന്നു, മറ്റെരാള് നാടിനെ കുറിച്ചുള്ള ഓര്മ്മകള് അടക്കാനാകാതെ കുറിച്ചു. ' ഞാനെങ്ങനെ ഇത് മിസ് ചെയ്തു'. എന്ന് ആശങ്കയോടെ ചോദിച്ചവരും കുറവല്ല.
