ഗ്ലോബല് താരം പ്രിയങ്ക ചോപ്ര എന്നും പ്രേക്ഷകര്ക്ക് ഏറെയിഷ്മുള്ള താരമാണ്. മോഡലിംഗിലൂടെ തുടങ്ങി പിന്നീട് മിസ്സ് ഇന്ത്യയും അവിടെ നിന്ന് ബോളിവുഡിലേക്കും എത്തിയ താരം അതിനു ശേഷം തിളങ്ങിയത് ഹോളിവുഡിലാണ്. അമേരിക്കന് പോപ്പ് ഗായകന് നിക്ക് ജൊനാസിനെ വിവാഹം ചെയ്തതതോടെ താരം പൂര്ണ്ണമായും അമേരിക്കയിലേക്ക് മാറി. നിക്കിനും മകള് മാള്ട്ടിക്കുമൊപ്പം കരിയറും സ്വകാര്യ ജീവിതവും ഒരുപോലെ ആസ്വദിക്കുകയാണ് പ്രിയങ്കയിപ്പോള്. സോഷ്യല് മീഡിയയിലൂടെ ആരാധകരോട് എല്ലാ വിശേഷങ്ങളും പങ്കിടാറുള്ള താരം പുതിയ ചിത്രങ്ങളും അതിലൂടെ ഷെയര് ചെയ്യാറുണ്ട്.
ഇപ്പോഴിതാ നിക്കിനും മാള്ട്ടിക്കുമൊപ്പമുള്ള ഒരു ക്യൂട്ട് മൊമന്റ് പങ്കിട്ടിരിക്കുകയാണ് പ്രിയങ്ക. ‘‘എന്റെ മാലാഖമാർ...’’ എന്ന ക്യാപ്ഷന് നല്കിയാണ് ഒരു ക്യൂട്ട് ഫാമിലി പിക്ച്ചര് പ്രിയങ്ക പങ്കുവച്ചിരിക്കുന്നത്. പ്രിയങ്ക ചോപ്ര മകൾ മാള്ട്ടിയെ കൈകളിൽ ഉയര്ത്തിപ്പിടിച്ചിരിക്കുന്നത് കാണാം. കുഞ്ഞ് മാള്ട്ടി അമ്മയുടെ തലയിലെ ക്യാപ്പ് ഊരാനുള്ള ശ്രമത്തിലാണ്. ഇതെല്ലാം കണ്ട് നിക്ക് ജോനാസ് അവരുടെ അരികിൽ പുഞ്ചിരിച്ചുകൊണ്ട് നില്ക്കുന്നുമുണ്ട്. എല്ലാവരെയും നിറഞ്ഞ ചിരിയോടെയാണ് ചിത്രങ്ങളില് കാണുന്നത്. കുടുംബത്തോടൊപ്പം അയർലണ്ടിലെ ഡബ്ലിനിലാണ് താരമിപ്പോള്. ഡെനിം ജാക്കറ്റും കറുത്ത പാന്റ്സും തൊപ്പിയുമാണ് പ്രിയങ്കയുടെ വേഷം, കറുത്ത ഷർട്ടും പാന്റ്സുമാണ് നിക്ക് ധരിച്ചിരുന്നത്. ഇരുവരും സൺഗ്ലാസ് ധരിച്ചിട്ടുണ്ട്. നീല ടീ ഷർട്ടിലും പാന്റ്സിലും ഷൂസിലും മാൾട്ടിയെയും കാണാം.
