സിനിമ മേഖലയിലും, മോഡലിംഗിലും ഒരുപോലെ കഴിവ് തെളിയിച്ച താരമാണ് ശ്വേത മേനോൻ. ജനപ്രീതിയും പുരസ്കാരങ്ങളും ലഭിച്ച ഒരുപിടി കഥാപാത്രങ്ങള് ചെയ്യാൻ ശ്വേത മേനോന് ലഭിച്ചു.ലേരി മാണിക്യം, സോള്ട്ട് ആന്റ് പെപ്പർ, ഒഴിമുറി തുടങ്ങി ഒരുപാട് സിനിമകളില് താരം മികച്ച കഥാപാത്രങ്ങള് അവതരിപ്പിച്ചിട്ടുണ്ട്. തന്റെ കരിയറിലുടനീളം വിവാദങ്ങളും ഗോസിപ്പുകളുമെല്ലാം താരം ഫെയ്സ് ചെയ്തിട്ടുണ്ട്. ഇതെല്ലാം അവഗണിച്ച് മുന്നോട്ട് പോകാൻ ശ്വേതയ്ക്ക് സാധിച്ചു. 1991 ല് പുറത്തിറങ്ങിയ അനശ്വരം എന്ന സിനിമയിലാണ് ശ്വേത ആദ്യമായി അഭിനയിക്കുന്നത്. പിന്നീട് മുംബൈയില് മോഡലിംഗില് ശ്രദ്ധ നല്കിയ ശ്വേത മേനോൻ 1994 ല് മിസ് ഇന്ത്യ മത്സരത്തില് മൂന്നാം റണ്ണറപ്പുമായി. ചില ബോളിവുഡ് സിനിമകളിലും താരം അഭിനയിച്ചിട്ടുണ്ട്.
2004 ല് ആണ് ബോബി ബോണ്സ്ലെയുമായിട്ടുള്ള ശ്വേതയുടെ ആദ്യ വിവാഹം കഴിഞ്ഞത്. 2007 ല് വേര്പിരിയുകയും ചെയ്തു, എന്നാല് പിന്നീട് ശ്രീവത്സന് ജെ മേനോനെ താരം വിവാഹം കഴിച്ചു. ഇരുവർക്കും സബൈന എന്നൊരു മകള് കൂടിയുണ്ട്. തന്റെ ചിത്രങ്ങളും മറ്റും ശ്വേത സോഷ്യല് മീഡിയയിലൂടെ പങ്കിടാറുണ്ടെങ്കിലും മകളുടെയോ ഭര്ത്താവിന്റെയോ ചിത്രങ്ങള് ശ്വേത പങ്കിടാറില്ല.
ഇപ്പോഴിതാ ഭര്ത്താവിനൊപ്പമുള്ള ചിത്രങ്ങള് പങ്കിട്ടിരിക്കുകയാണ് താരം. സെറ്റ് സാരിയില് പാരമ്പര്യത്തനിമയില് ശ്വേതയും കുര്ത്തയും മുണ്ടും ധരിച്ച് ശ്രീയും ചിത്രങ്ങളില് തിളങ്ങുകയാണ്. താരത്തിന്റെ ചിത്രങ്ങള് ആരാധകര് ഏറ്റെടുത്തിരിക്കുകയാണ്.
സോഷ്യല് മീഡിയയില് നിറഞ്ഞു നില്ക്കുന്ന താരം കഴിഞ്ഞ ദിവസം ഭർത്താവ് ശ്രീവത്സന്റെ ജന്മദിനം ശ്വേത മേനോനും മകള് സബൈനയും ആഘോഷിക്കുന്ന ചിത്രങ്ങള് പങ്കുവച്ചിരുന്നു. ലളിതമായി നടന്ന ആഘോഷങ്ങളുടെ വീഡിയോ സോഷ്യല് മീഡിയയിലൂടെയാണ് പങ്കിട്ടത്. പത്ത് സെക്കന്റ് മാത്രം ദൈർഘ്യമുള്ള വീഡിയോയില്, ‘അച്ഛനൊപ്പം വളർന്നു ’എന്ന കുറിപ്പോടെയാണ് വീഡിയോ പങ്കുവച്ചിരിക്കുന്നത്.
വർഷങ്ങള്ക്ക് ശേഷമാണ് മകള് സബൈനയുടെ വിശേഷങ്ങള് സോഷ്യല് മീഡിയയിലൂടെ ശ്വേത പങ്കുവക്കുന്നത്. മകളുടെ ജനന ശേഷം നിരവധി ടെലിവിഷൻ പരിപാടികളില് സബൈനയുമായി ശ്വേത എത്തിയിരുന്നു. എന്നാല് ക്യാമറയുടെ മുന്നില് നിന്ന് ശ്വേത മകളെ മാറ്റി നിർത്തിയിരുന്നു.
പല അഭിമുഖങ്ങളിലും മകളുടെ വിശേഷങ്ങള് ചോദിക്കുമ്പോള്, അവള് പഠിക്കുകയാണെന്ന് മാത്രമാണ് ശ്വേത നല്കുന്ന മറുപടി. അച്ഛന്റെ പിറന്നാള് ആഘോഷിക്കുന്ന സബൈനയുടെ വീഡിയോ ആരാധകർ ഏറ്റെടുത്തു. നിരവധി പേരാണ് വീഡിയോയ്ക്ക് ചുവടെ ആശംസകളുമായി എത്തിയിരിക്കുന്നത്. എന്നാല് പുതിയ വീഡിയോയിലും മകളുടെ മുഖം ശ്വേത വെളിപ്പെടുത്തിയിട്ടില്ല. പിതാവിന് ആശംസകള് നേരുകയും പിറന്നാള് കേക്ക് മുറിച്ചു നല്കുന്നതും വീഡിയോയില് കാണാം.
