ബോളിവുഡിന്റെ മികച്ച നിര്മ്മാതാവും ലേഡി സൂപ്പര്സ്റ്റാറായിരുന്ന ശ്രീദേവിയുടെ ഭര്ത്താവുമാണ് ബോണി കപൂര്. വാര്ത്തകളില് ഏറെ ഇടം പിടിക്കുന്ന ബോണി കപൂര് അഭിനേത്രിയും ഭാര്യയുമായിരുന്ന ശ്രീദേവിയുടെ മരണവുമായി ബന്ധപ്പെട്ടുകൊണ്ടായിരുന്നു ഒരുകാലത്ത് ഏറ്റവും കൂടുതല് പേരുകള് ഉയര്ന്ന് കേട്ടത്. ആദ്യത്തെയും രണ്ടാമത്തെയും ഭാര്യമാരിലായി നാല് മക്കളുള്ള ബോണി കപൂറിന്, ഭാര്യമാരുടെ മരണശേഷം കൂടുതല് ഉത്തരവാദിത്തമുള്ള അച്ഛനായി മാറേണ്ടി വന്നിട്ടുണ്ട്.
മോന ഷൂരിയായിരുന്നു ബോണി കപൂറിന്റെ ആദ്യ ഭാര്യ. ബോളിവുഡിലും തെന്നിന്ത്യയിലും ഒരുപോലെ തിളങ്ങിയ ശ്രീദേവിയാണ് ബോണി കപൂറിന്റെ രണ്ടാമത്തെ ഭാര്യ. ആദ്യ ഭാര്യയായ മോനയുമായുള്ള ബന്ധത്തില് ബോണി കപൂറിന് അര്ജുന് കപൂര് അന്ഷുല കപൂര് എന്നീ മക്കളാണുള്ളത്. അര്ജുന് കപൂര് ബോളിവുഡ് താരം കൂടിയാണ്. ശ്രീദേവിയുമായുള്ള ബന്ധത്തില് ജാന്വി കപൂര് ഖുഷി കപൂര് എന്നീ മക്കളുമുണ്ട് ബോണിക്ക്. ജാന്വി കപൂര് ഇന്ന് ബോളിവുഡില് ഏറെ തിരക്കുള്ള താരമാണ്. ചേച്ചിക്കു പിന്നാലെ ഖുഷിയും ബോളിവുഡില് ഇക്കഴിഞ്ഞ വര്ഷം അരങ്ങേറ്റം കുറിച്ചിരുന്നു.
ഇപ്പോഴിതാ ബോണി കപൂര് താന് കുടുംബത്തെക്കുറിച്ചുള്ള കഥകള് പുറത്ത് ധാരാളമായി സംസാരിക്കാറുണ്ടെന്ന തന്റെ ശീലത്തെക്കുറിച്ച് പറയുകയാണ്. ആവശ്യത്തിലധികം താന് തന്റെ കുടുംബത്തെക്കുറിച്ച് അഭിമുഖങ്ങളിലും മറ്റും പറഞ്ഞിരുന്നെന്നും ഇപ്പോള് അത് ചെയ്യാറില്ലെന്നും താരം പറയുന്നു. എബിപി ലൈവുമായി നടത്തിയ അഭിമുഖത്തിലാണ് താരമിത് പറഞ്ഞത്.
‘‘അത് പല സമയത്ത് സംഭവിച്ചിട്ടുണ്ട്. ഞാന് എപ്പോഴൊക്കെ ഒരു അഭിമുഖത്തിനായി ഇരുന്നിട്ടുണ്ടോ, അപ്പോഴൊക്കെ എന്നോട് ചോദിച്ചിട്ടുള്ള കുടുംബത്തെക്കുറിച്ചുള്ള ചോദ്യത്തിന് ഞാന് മറുപടി പറഞ്ഞിട്ടുണ്ട്. എനിക്ക് ഒന്നും പൊതുവെ അധിക നേരം പിടിച്ച് നിര്ത്താന് കഴിയാറില്ല. ഞാന് കുറേ കാര്യങ്ങള് പറയും. അതുകൊണ്ട് തന്നെയാണ് ഞാന് സോറി പറയാറുള്ളത് . ഞാന് തെറ്റ് തന്നെയാണ് ചെയ്തത്...
ഇക്കാര്യവുമായി ബന്ധപ്പെട്ട് പലപ്പോഴും എന്റെ മക്കള് എന്നെ ചീത്ത പറഞ്ഞിട്ടുണ്ട്. അവസാനം ഞാന് കരഞ്ഞിട്ടുണ്ട്, മാപ്പ് ചോദിച്ചിട്ടുണ്ട്. പലപ്പോഴും എന്റെ കുട്ടികള് എന്നോട് ചോദിക്കാറുണ്ട്, നിങ്ങള് എന്തിനാണ് എല്ലാ കാര്യങ്ങളും ഇങ്ങനെ തുറന്ന് പറയുന്നതെന്ന്. അവരെന്നെ ചീത്ത പറഞ്ഞിട്ടുണ്ട്. അവരെന്നോട് വിഷമിച്ച് ഇരുന്നിട്ടുണ്ട്. അതിന് ശേഷം അവര് കരഞ്ഞു, പിന്നെ ഞാനും കരഞ്ഞു, എന്നിട്ട് ഞാന് അവരോട് മാപ്പ് പറഞ്ഞു. ഇനി സോറിയൊന്നും പറയേണ്ട. പറഞ്ഞ കാര്യങ്ങള് ഒക്കെ അത്രയും മേലെ എത്തേണ്ടിടത്ത് എത്തിയിട്ടുണ്ടെന്നും അവര് പറഞ്ഞു...’’ ബോണി കപൂര് പറയുന്നു.
സഹോദരങ്ങളുടെയോ ബന്ധുക്കളുടേയോ ഒക്കെ പേരില് ബോണി കപൂര് അറിയപ്പെടുന്നതില് എപ്പോഴെങ്കിലും ബുദ്ധിമുട്ട് തോന്നിയിട്ടുണ്ടോ എന്നുള്ള ചോദ്യത്തിന്, ‘‘ഞാനതില് ആനന്ദിക്കുന്നു. ആദ്യമൊക്കെ തന്നെ അനില് കപൂറിന്റെ സഹോദരന് എന്നായിരുന്നു അറിയപ്പെടാറ്. പിന്നെ അത് ശ്രീദേവിയുടെ പേരിലായി അറിയപ്പെടുന്നത്. ഇപ്പോള് ഞാന് അര്ജുന്റെയും അന്ഷുലയുടെയും ജാന്വിയുടെയും ഖുഷിയുടെയും ഒക്കെ പേരിലാണ് അറിയപ്പെടുന്നത്. അത് എനിക്ക് സന്തോഷമുള്ള കാര്യമാണ്...’’ ബോണി കപൂര് പറഞ്ഞു.
ഏകദേശം നാല് പതിറ്റാണ്ട് നീണ്ട കരിയറിൽ ബോണി നിരവധി സൂപ്പർഹിറ്റ് ചിത്രങ്ങൾ നിർമ്മിച്ചിട്ടുണ്ട്. അജയ് ദേവ്ഗണും പ്രിയാമണിയും അഭിനയിച്ച മൈതാനമാണ് നിർമ്മാതാവെന്ന നിലയിൽ ബോണിയുടെ അവസാനം റിലീസായ ചിത്രം.
