രണ്ട് ദിവസം മുമ്പ് റിലീസ് ചെയ്ത 'ഗുരുവായൂരമ്പലനടയില്' ചിത്രത്തിന്റെ വ്യാജ പതിപ്പ് ഇന്റര്നെറ്റില് എത്തി. ട്രെയ്നിലിരുന്ന് ഈ സിനിമ കാണുന്ന ഒരു യുവാവിന്റെ വീഡിയോ പങ്കുവച്ച് രംഗത്തെത്തിയിരിക്കുകയാണ് സംവിധായകനും തിരക്കഥാകൃത്തുമായ മഞ്ജിത് ദിവാകര്. വ്യാജ പതിപ്പ് പുറത്തിറക്കിയ വ്യക്തിയെ കണ്ടത്തണമെന്ന് ആവശ്യപ്പെട്ടാണ് സംവിധായകന് വീഡിയോ പങ്കുവച്ചിരിക്കുന്നത്.
‘ഇന്നലെ ലോകമെമ്പാടും റിലീസ് ആയ ഗുരുവായൂരമ്പലനടയില് ചിത്രത്തിന്റെ വീഡിയോ ആണ് തിരുവനന്തപുരത്ത് നിന്ന് എറണാകുളത്തേക്ക് പോകുന്ന ജയന്തി എക്സ്പ്രസ് ട്രെയ്നില് ഒരു മഹാന് ഇരുന്ന് മൊത്തം സിനിമ കാണുന്നത്.
ഒരു സുഹൃത്ത് എടുത്ത് ഈ വീഡിയോ എന്റെ കയ്യില് കിട്ടുമ്പോള് അവന് നമ്മുടെ കയ്യില് നിന്നും മിസ്സായി. ഇപ്പോള് ഏകദേശം ആ ട്രെയിന് കായംകുളം പാസ് ചെയ്തു കാണും. ഒരുപാട് പേരുടെ കഷ്ടപ്പാടാണ് സിനിമ. അത് തിയേറ്ററില് എത്തിയിട്ട് മണിക്കൂറുകള് മാത്രം.
പണം മുടക്കുന്ന നിര്മ്മാതാവിന് അതിനേക്കാള് വേദനയും. ഇത് ചെയ്തവനും ഇനി പ്രചരിപ്പിക്കുന്നവനും നിയമത്തിന്റെ മുമ്പില് ശിക്ഷ അനുഭവിക്കേണ്ടി വരും. ഇതൊരു താക്കീതാണ്’ എന്നാണ് വീഡിയോ പങ്കുവച്ച് സംവിധായകന് കുറിച്ചത്.
അതേസമയം, തിയേറ്ററില് നിന്നും മികച്ച പ്രതികരണങ്ങളാണ് ഗുരുവായൂരമ്പലനടയില് ചിത്രത്തില് ലഭിച്ചു കൊണ്ടിരിക്കുന്നത്. ഓപ്പണിംഗ് ദിനത്തില് 3.75 കോടി രൂപയാണ് ബോക്സ് ഓഫീസില് നിന്നും നേടിയത്. പൃഥ്വിരാജിന്റെയും ബേസിലിന്റെയും പ്രകടനങ്ങള്ക്ക് കൈയ്യടികളാണ് തിയേറ്ററില് നിന്നും ലഭിക്കുന്നത്.
വിപിന് ദാസ് സംവിധാനം ചെയ്ത ചിത്രത്തില് നിഖില വിമല്, അനശ്വര രാജന്, ജഗദീഷ്, രേഖ, ഇര്ഷാദ്, സിജു സണ്ണി, സഫ്വാന്, കുഞ്ഞികൃഷ്ണന് മാസ്റ്റര്, മനോജ് കെ.യു എന്നിവരാണ് പ്രധാന കഥാപത്രങ്ങളായത്.
