വ്യത്യസ്തത ഉണര്ത്തുന്ന ഒട്ടനവധി വാര്ത്തകളും വീഡിയോകളുമാണ് ദിവസവും സമൂഹ മാധ്യമങ്ങളിലൂടെ പുറത്തുവന്നുക്കൊണ്ടിരിക്കുന്നത്. ഇപ്പോഴിതാ സ്കൂട്ടറില് പോകുന്ന മൂന്ന് പെണ്കുട്ടികള് ഡ്രെയിനേജില് വീണതിന്റെ ദൃശ്യങ്ങളാണ് ഇപ്പോള് സോഷ്യല് മീഡിയയില് വൈറലായിക്കൊണ്ടിരിക്കുന്നത്.
@Reetesh Pal എന്ന് എക്സ്സ് അക്കൗണ്ടാണ് വീഡിയോ പങ്കുവച്ചിരിക്കുന്നത്. മൂന്ന് പെണ്കുട്ടികളും ഒരേ സ്കൂട്ടറിനാണ് വന്നത്. എന്നാല് സ്കൂട്ടര് നേരെ പോയി ഡ്രെയിനേജില് വീഴുകയായിരുന്നു. വീഡിയോയില് മൂന്നു പെണ്കുട്ടികളും കറുത്ത നിറത്തില് അഴുക്കില് പൊതിഞ്ഞു നില്ക്കുന്നതാണ് കാണാന് സാധിക്കുന്നത്. സ്കൂട്ടര് നിറയെ ചെളിയില് മുങ്ങിയിട്ടുണ്ട്. 'പപ്പയുടെ മാലാഖ, ആരും അവളെ ഒന്നും പറയില്ല' എന്ന കാപ്ഷനോടെയാണ് വീഡിയോ എക്സില് ഷെയര് ചെയ്തിരിക്കുന്നത്. സമീപത്ത് കുറച്ചുപേര് നില്ക്കുന്നതും വീഡിയോയില് നിന്നും മനസിലാവുന്നുണ്ട്. പെണ്കുട്ടികള് വീഴുന്നത് കണ്ട് എത്തിയവരാണ് അത് എന്നാണ് കരുതുന്നത്.
എന്തായാലും പെണ്കുട്ടികള് പരിക്കുകളൊന്നും ഇല്ല എന്നാണ് വീഡിയോ കാണുമ്പോള് മനസിലാവുന്നത്. മൂന്നുപേരും പകച്ച് ചുറ്റും നോക്കുന്നതും കാണാം. ആകെ മൂന്ന് കറുത്ത രൂപങ്ങള് മാത്രമാണ് വീഡിയോയില് വ്യക്തമാകുന്നത്. നിരവധിപ്പേരാണ് വീഡിയോയ്ക്ക് കമന്റുകളുമായി എത്തിയത്. പലരും രസകരമായിട്ടാണ് വീഡിയോയ്ക്ക് കമന്റ് നല്കിയിരിക്കുന്നത്.
पापा की परी है ये कही जाए कोई कुछ नही बोलेगा 💃🛵 pic.twitter.com/oYObS0VxIL
— Reetesh Pal (@PalsSkit) May 17, 2024
