തിരുവനന്തപുരം; സംസ്ഥാനത്ത് കനത്ത മഴ തുടരുന്ന സാഹചര്യത്തില് പകര്ച്ചവ്യാധിയും വര്ധിക്കുന്നു. പിന്നാലെ പ്രതിരോധ പ്രവര്ത്തനങ്ങള് ശക്തമാക്കുന്നതിന്റെ ഭാഗമായി ആരോഗ്യ വകുപ്പ് ഡയറക്ടറേറ്റില് സ്റ്റേറ്റ് കണ്ട്രോള് റൂം ആരംഭിച്ചതായി ആരോഗ്യ വകുപ്പ് മന്ത്രി വീണാ ജോര്ജ്. പകര്ച്ചവ്യാധി പ്രതിരോധത്തിന് ആരോഗ്യ വകുപ്പ് സ്റ്റേറ്റ് ലെവല് റാപ്പിഡ് റെസ്പോണ്സ് ടീം (ആര്ആര്ടി) രൂപീകരിച്ചിരുന്നു. ആരോഗ്യ വകുപ്പ് മന്ത്രി ചെയര്പേഴ്സണും പ്രിന്സിപ്പല് സെക്രട്ടറി കോ ചെയര്മാനുമായ ആര്ആര്ടിയില് 25 അംഗങ്ങളാണുള്ളത്. ഇത് കൂടാതെയാണ് ആരോഗ്യ വകുപ്പിന് കീഴിലുള്ള പ്രവര്ത്തനങ്ങളെ ഏകോപിപ്പിക്കുന്നതിനും ജനങ്ങള്ക്കും ആരോഗ്യ പ്രവര്ത്തകര്ക്കുമുള്ള സംശയങ്ങള് ദൂരീകരിക്കുന്നതിനുമായി സ്റ്റേറ്റ് കണ്ട്രോള് റൂം ആരംഭിച്ചതെന്നും മന്ത്രി വ്യക്തമാക്കി.
സംശയ നിവാരണത്തിനായി കണ്ട്രോള് റൂമിലെ 04712302160, 9946102865, 9946102862 എന്നീ നമ്പരുകളില് വിളിക്കാവുന്നതാണ്. പകര്ച്ചവ്യാധി പ്രതിരോധ ഏകോപനം, ഡേറ്റാ മാനേജ്മെന്റ്, ആശുപത്രി സേവനങ്ങള്, മരുന്ന് ലഭ്യത, പ്രോട്ടോകോളുകള്, സംശയ നിവാരണം എന്നിവയാണ് കണ്ട്രോള് റൂമിലൂടെ നിര്വഹിക്കുന്നത്.
