ആളുകള് വലിയ തോതില് പറ്റിക്കപ്പെട്ടുക്കൊണ്ടിരിക്കുന്ന കാലമാണിത്. ഓണ്ലൈന് മേഖലകളിലാണ് ഇത്തരം പ്രവണത കൂടുതലായി കാണപ്പെടുന്നത്. ഇവയില് പലതും വാര്ത്തകളിലൂടെ നാം കണ്ടിട്ടുണ്ടാകും. എന്നാല് കഴിഞ്ഞ ദിവസം തീര്ത്തും വ്യത്യസ്തമായ ഒരബദ്ധമാണ് ഇവിടെ ഒരു യുവതിക്ക് സംഭവിച്ചത്. എന്താണെന്ന് അറിഞ്ഞാല് ശത്രുക്കള്ക്ക് പോലും ഇങ്ങനെ ഒന്നും സംഭവിക്കരുതേ എന്ന നാം അറിയാതെ പറഞ്ഞുപോകും.
സംഭവം ഇങ്ങനെ, ദൂരെ യാത്രകള് നടത്തുമ്പോള് നമ്മള് പൊതുവെ ഓണ്ലൈനായിട്ടായിരിക്കും റൂം ബുക്ക് ചെയ്യുന്നത്. പലപ്പോഴും സൈറ്റിലും മറ്റും കാണുന്ന ചിത്രങ്ങള് നോക്കിയാകും ഇത്തരത്തില് റൂമുകള് തീരുമാനിക്കുന്നത്. യാത്രകളില് കടലിന്റെ വ്യൂ കിട്ടുന്ന മുറിയാണെങ്കില് ആളുകള് വളരെ സന്തോഷമാകും. അര്ജന്റീനയില് നിന്നുള്ള ഈ സ്ത്രീയും കടല് വ്യൂ കിട്ടുന്ന റൂമാണ് ബുക്ക് ചെയ്തത്.
ഇറ്റലിയില് പോകുമ്പോള് താമസിക്കാന് ഒരു സൈറ്റ് നോക്കി മുറി ബുക്ക് ചെയ്തു. ചിത്രം കണ്ട് ഇഷ്ടപ്പെട്ടാണ് ബുക്ക് ചെയ്തത്. മുറിയില് നിന്ന് നേരെ നോക്കുമ്പോള് കാണുന്നത് പരന്നുകിടക്കുന്ന മഹാസാഗരമാണ്. എന്നാല് റൂമിലെത്തിയപ്പോഴാണ് സ്ത്രീക്ക് താന് പറ്റിക്കപ്പെട്ടതായി മനസ്സിലായത്. അവിടെ അങ്ങനെ ഒരു കടലുമില്ല, അങ്ങനെ ഒരു കാഴ്ചയുമില്ല. പകരം കാണുന്നത് അടുത്ത കെട്ടിടമാണ്. ആ കെട്ടിടത്തിന് പുറത്ത് പതിച്ചിരിക്കുന്ന ഒരു വലിയ ചിത്രമുണ്ട്. അതാണ് ഈ സീസൈഡ് വ്യൂ.
വാതിലിന് പുറത്ത് കാണുന്ന കെട്ടിടത്തില് പതിച്ചിരിക്കുന്ന ചിത്രമാണ് ആളുകളെ പറ്റിക്കുന്ന തരത്തില് സൈറ്റില് കൊടുത്തിരിക്കുന്നത്. എന്തായാലും, ഈ അബദ്ധത്തിന്റെ കഥ യുവതി സോഷ്യല് മീഡിയാ പ്ലാറ്റ്ഫോമുകളിലാണ് പങ്കുവച്ചിരിക്കുന്നത്. 'ഇതുവരെ ആരും എന്നെ ഇങ്ങനെ ചതിച്ചിട്ടില്ല' എന്നാണ് യുവതി പറയുന്നത്.
