ജൂണില് ഹയര്സെക്കന്ഡറി പാഠ്യപദ്ധതി പരിഷ്കരണവുമായി ബന്ധപ്പെട്ട പ്രവര്ത്തനങ്ങള് ആരംഭിക്കുമെന്ന് മന്ത്രി വി ശിവന്കുട്ടി.
പരിഷ്കരിച്ച സ്കൂള് പാഠപുസ്തകങ്ങളുടെയും സൗജന്യ കൈത്തറി യൂണിഫോമിന്റെയും സംസ്ഥാനതല വിതരണ ഉദ്ഘാടന ചടങ്ങില് അധ്യക്ഷ പ്രസംഗം നടത്തുകയായിരുന്നു അദ്ദേഹം.
പൊതുവിദ്യാഭ്യാസത്തിന്റെ ഗുണമേന്മ വര്ദ്ധിപ്പിക്കാനുള്ള നടപടികള്ക്കാണ് സര്ക്കാര് ഇപ്പോള് മുന്തൂക്കം നല്കുന്നത്. 2007 ന് ശേഷം സമഗ്രമായ പാഠ്യപദ്ധതി പരിഷ്കരണം നടപ്പിലാക്കുന്നത് ഇപ്പോഴാണ്. രണ്ട് വര്ഷത്തിനുള്ളില് ഒരിക്കലെങ്കിലും പാഠപുസ്തക പരിഷ്കരണം നടക്കേണ്ടതുണ്ട്. ഒന്ന്, മൂന്ന്, അഞ്ച്, ഏഴ്, ഒമ്പത് ക്ലാസ്സുകളിലെ 173 ടൈറ്റിലുകളിലായി രണ്ട് കോടി മുപ്പത് ലക്ഷം പുസ്തകങ്ങളാണ് അച്ചടിച്ചത്.
