ബിഗ് ബോസ് മലയാളം സീസണുകള് എന്നും വാര്ത്തകളില് നിറയാറുള്ളതാണ്. എന്നാല് മറ്റെല്ലാ സീസണുകളേക്കാളും ഇത്തവണത്തെ സീസണാണ് രണ്ടാം ദിനം മുതല് ചര്ച്ചകളിലും വിവാദങ്ങളിലും നിറയാന് തുടങ്ങിയത്. സീസണ് 6 ലെ മത്സരാര്ത്ഥികളെല്ലാം തന്നെ ദിവസവും വിവാദങ്ങളില് പെടുന്നവരായി മാറി. അക്കൂട്ടത്തില് ഏറ്റവും കൂടുതല് ചർച്ചയായ മത്സരാർത്ഥികളില് ഒരാളാണ് അഭിനേത്രിയായ അൻസിബ. കുടുംബ പ്രേക്ഷകരുടെ പ്രിയങ്കരിയായിരുന്ന താരം അനാവശ്യ വഴക്കിനോ ബഹളങ്ങള്ക്കോ നിന്നില്ല എന്നതായിരുന്നു ഈ ജനപ്രീതിക്ക് കാരണമാത്. തന്റെ അഭിപ്രായങ്ങളില് അൻസിബ ഉറച്ച് നിന്നതും അതിനുള്ള കാരണമായി. ഗെയിമില് നല്ല രീതിയില് മുന്നോട്ടു വരുന്നതിനിടയിലാണ് കഴിഞ്ഞ ദിവസം അൻസിബ പുറത്തായത്. ഇതില് ആരാധകർക്ക് നിരാശയുണ്ട്.
ഇപ്പോഴിതാ ബിഗ് ബോസില് നിന്നും ഇറങ്ങിയ ശേഷമുള്ള പ്രതികരണങ്ങളെക്കുറിച്ച് സംസാരിക്കുകയാണ് അൻസിബ. ബിഗ് ബോസിലെ വിന്നറാകുന്നതിലും മൂല്യം കൊടുക്കുന്നത് എനിക്ക് ഇതുവരെ കിട്ടാത്ത സ്നേഹവും സപ്പോർട്ടിനുമാണെന്നും അൻസിബ പറഞ്ഞു.
‘‘സിനിമയിലൊക്കെ വരുമ്പോള് ആഗ്രഹിക്കുന്നത് എല്ലാവരും നമ്മളെ ഇഷ്ടപ്പെടണമെന്നാണ്. നമ്മള് എത്ര പൈസ കൊടുത്താലും ഇഷ്ടം കിട്ടില്ല. വേറെന്തും കിട്ടുമായിരിക്കും. പക്ഷെ സ്നേഹം ഉള്ളില് നിന്ന് വരണം. ഇത്രയും പേരുടെ സ്നേഹം കിട്ടുക എന്നതാണ് ജീവിതത്തിലെ ഏറ്റവും വലിയ നേട്ടമായി കാണുന്നത്. ബിഗ് ബോസിലെ വിന്നറാകുന്നതിലും മൂല്യം കൊടുക്കുന്നത് എനിക്ക് ഇതുവരെ കിട്ടാത്ത സ്നേഹവും സപ്പോർട്ടിനുമാണ്.
എന്തുകൊണ്ടാണ് പുറത്തായതെന്ന് എനിക്ക് അറിയില്ല. സീസണ് ഒന്ന് മുതല് എന്നെ വിളിക്കുന്നുണ്ട്. പോകണോ എന്ന സംശയത്തിലായിരുന്നു. ഇത്ര പോലും സംസാരിക്കാത്ത ആളായിരുന്നു ഞാൻ. എല്ലാ കാര്യങ്ങളും പെട്ടെന്ന് മനസിലാവും. ഞാൻ കളിക്കുന്ന ഗെയിം കളിക്കുന്നില്ല എന്ന് എല്ലാവരും പറഞ്ഞിരുന്നു. ഞാൻ ഞാനായിട്ട് നില്ക്കുക എന്ന് മാത്രമേ ചിന്തിച്ചിട്ടുള്ളൂ. പുറത്തിറങ്ങിയ ശേഷമാണ് ഇത്രയും ആളുകള് എന്നെ സപ്പോർട്ട് ചെയ്യുന്നുണ്ടെന്ന് അറിഞ്ഞത്.
ബിഗ് ബോസിലെ സൗഹൃദങ്ങളെക്കുറിച്ചും അന്സിബ പറയുന്നുണ്ട്. ‘‘ ഞങ്ങള് ഒരുപാട് സൗഹൃദങ്ങള് അവിടെ ഉണ്ടാക്കിയിട്ടില്ല. റിഷി, അഭിഷേക്, ജിന്റപ്പൻ തുടങ്ങിയവരായിരുന്നു എന്റെ സൗഹൃദത്തില്. ജിന്റപ്പനുമായാണ് ഞാൻ കൂടുതല് പിണങ്ങിയത്. പെട്ടെന്ന് പിണങ്ങുകയും ഇണങ്ങുകയും ചെയ്തെന്ന് അൻസിബ ചൂണ്ടിക്കാട്ടി. റിഷി വളരെ നിഷ്കളങ്കനാണ്. ദേഷ്യം നിയന്ത്രിക്കാൻ പറ്റില്ല. മതിയെടാ എന്ന് പറഞ്ഞാലും അവൻ നിർത്തില്ല.
അങ്ങോട്ടും ഇങ്ങോട്ടും നടന്ന് പറഞ്ഞ് കഴിഞ്ഞാല് അവന്റെ പ്രശ്നം തീരുമെന്ന് പിന്നീട് ഞാൻ മനസിലാക്കി. റിഷി തന്റെ ഫോട്ടോ മുറിയില് വെച്ചത് കണ്ടപ്പോള് വിഷമം തോന്നി. ഞാൻ റിഷിയെയാണ് സപ്പോർട്ട് ചെയ്യുന്നത്. റിഷി വിജയിക്കണമെന്ന് ആഗ്രഹമുണ്ട്.
മറ്റൊരു മത്സരാര്ത്ഥിയായ ജാസ്മിനെക്കുറിച്ചും അൻസിബ പറയുന്നുണ്ട്. ‘‘ ജാസ്മിൻ പുറത്തിറങ്ങിയാലും സൈബർ ആക്രമണം തുടർന്നാല് ജാസ്മിനെ ഞാന് സപ്പോർട്ട് ചെയ്യും.
സൈബർ ആക്രമണത്തിന്റെ വേദന അനുഭവിച്ച ആളാണ് ഞാൻ. ദൃശ്യം വണ് ഇറങ്ങിയ സമയത്ത്. ആരെയും അങ്ങനെ അറ്റാക്ക് ചെയ്യേണ്ട ആവശ്യമില്ല. ജാസ്മിനെയെന്നല്ല ആരെയും സൈബർ അറ്റാക്ക് ചെയ്യേണ്ട ആവശ്യമില്ലെന്നാണ് ഞാനെപ്പോഴും പറയുന്നത്. ഇഷ്ടമില്ലെങ്കില് വിട്ടേക്കുക. കമന്റ് ചെയ്ത് ഒരാളെ വിഷമിപ്പിച്ചിട്ട് പ്രത്യേകിച്ച് ഒന്നും കിട്ടാനില്ലെന്നും അൻസിബ വ്യക്തമാക്കി. ആബിഗ് ബോസ് വീട്ടില് ഞാൻ നിന്നതിന്റെ ഒരു എപ്പിസോഡും ഞാൻ കണ്ടിട്ടില്ല. സോഷ്യല് മീഡിയയിലെ ചെറിയ വീഡിയോകളെ കണ്ടിട്ടുള്ളൂ...’’ അന്സിബ പറയുന്നു.
