ലോക പരിസ്ഥിതി ദിനം സന്തോഷകരവും ആരോഗ്യകരവുമായ ഒരു ഗ്രഹം സൃഷ്ടിക്കുന്നതിനുള്ള ശുഭകരമായ തുടക്കമാകട്ടെ. ലോക പരിസ്ഥിതി ദിനത്തില് നമ്മുടെ ഗ്രഹത്തെ സംരക്ഷിക്കുക എന്നാഹ്വാനം ചെയ്യുന്ന 'ഐ ആം വന്റാരിയന്' എന്ന ഹാഷ്ടാഗ് ഇന്റര്നെറ്റില് പ്രചരിക്കുന്നു. ഹരിതാഭമായ നാളേക്ക് വേണ്ടിയുള്ള ചെറിയ പ്രവര്ത്തനങ്ങള് ചെയ്യാന് നിര്ദേശം നല്കുന്ന പ്രചരണം ഇന്സ്റ്റാഗ്രാമിലാണ് കത്തിക്കയറുന്നത്. 'ഐആം എ വാന്റേരിയന്, വന്റാര' എന്നെല്ലാം പേരിലാണ് ഹാഷ്ടാഗുകള്.
ബോളിവുഡ് സൂപ്പര്താരങ്ങളും ക്രിക്കറ്റ് താരങ്ങളും ഉള്പ്പെട്ട വീഡിയോ പ്രചരണത്തിന്റെ ഭാഗമായി ഇന്സ്റ്റാഗ്രാമില് പോസ്റ്റ് ചെയ്തിട്ടുണ്ട്. ബോളിവുഡ് നടന് അജയ്ദേവ് ഗണ്, ക്രിക്കറ്റ് താരം കെ.എല്. രാഹുല് നടിമാരായ ജാന്വി കപൂര്, ഭൂമികാ പട്നേക്കര്, കുശകാപിള്ള, ഫുക്രാവരുണ് എന്നിവര് ഉള്പ്പെടുത്തിയുള്ളതാണ് പരിസ്ഥിതി ബോധന വീഡിയോ.
നമ്മുടെ ഗ്രഹം, നമ്മുടെ ഭാവി. ഹരിതാഭമായ നാളേക്ക് വേണ്ടിയുള്ള ചെറിയ പ്രവര്ത്തനങ്ങള്! ഞാനൊരു വാന്റേറിയനാണ്, നിങ്ങളും അങ്ങിനെയാകണമെന്ന് പ്രതിജ്ഞയെടുക്കാനും ആവശ്യപ്പെടുന്നു. ഇന്നത്തെ ഓരോ ചെറിയ പ്രവര്ത്തനവും നാളെ വലിയ സ്വാധീനം ചെലുത്തുന്ന ഒന്നായി മാറുമെന്നും അതുകൊണ്ട് ഹരിഭഭാവിയിലേക്ക് സംഭാവന നല്കുന്ന ഒരു വാന്റേറിയന് ആയിരിക്കുമെന്നു പ്രതിജ്ഞ ചെയ്യാനും ആവശ്യപ്പെടുന്നു. ഓരോ വ്യക്തിക്കും ചെറിയ ചെറിയ പ്രവര്ത്തനങ്ങളിലൂടെ മാറ്റം വരുത്താന് കഴിയുമെന്നും അതിനായി ഓരോരുത്തരും അവരുടെ ചെറിയ പങ്ക് വഹിച്ചുകൊണ്ട് ഇന്ന് തന്നെ ഒരു വാന്റേറിയന് ആകാനും ആവശ്യപ്പെടുന്നു.
പ്രകൃതി സംരക്ഷണത്തിനും വന്യജീവി സംരക്ഷണത്തിനും സഹായകമായ പുതിയ ശീലങ്ങള് ബോധപൂര്വ്വം സ്വീകരിക്കാനുള്ള പ്രസ്ഥാനത്തില് ചേരാനും വാന്റേറിയന് ആകാനും പ്രതിജ്ഞയെടുത്തുകൊണ്ട് നമ്മുടെ പ്രിയപ്പെട്ട സുഹൃത്തുക്കള്ക്ക മാതൃക നല്കാനും ആവശ്യപ്പെടുന്നു. ചെറുതും സ്ഥിരവുമായ മാറ്റങ്ങള്ക്ക് പോസിറ്റീവ് സ്വാധീനം ചെലുത്താന് കഴിയുമെന്നും പറയുന്നു.
'വന്റാര' എന്നാല് വനത്തിന്റെ നക്ഷത്രം എന്നാണ് അര്ത്ഥമാക്കുന്നത്. റിലയന്സ് ഫൗണ്ടേഷനുമായി ചേര്ന്ന് റിലയന്സ് ഇന്ഡസ്ട്രീസ് 2024 ഫെബ്രുവരി 26-നാണ് വന്താരയുടെ ലോഞ്ച് പ്രഖ്യാപിച്ചത്. ഗുജറാത്തിലെ റിലയന്സിന്റെ ജാംനഗര് റിഫൈനറി കോംപ്ലക്സിന്റെ ഗ്രീന് ബെല്റ്റിനുള്ളില് സ്ഥിതി ചെയ്യുന്ന വന്താര 3,000 ഏക്കര് വിസ്തൃതിയുള്ള ഈ വന്യജീവി സങ്കേതമാണ്.
ഏറെ പഴക്കമുള്ള ഇന്ത്യന് ധാര്മ്മികതയെ സമന്വയിപ്പിക്കുന്ന അഗാധമായ തത്ത്വചിന്തയിലാണ് വന്താരയുടെ തുടക്കം. മൃഗങ്ങളെ സേവിക്കുന്നത് ദൈവിക സേവനത്തിന് തുല്യമാണെന്ന് കരുതുന്ന ഹിന്ദു പാരമ്പര്യങ്ങളില് ആഴത്തില് വേരൂന്നിയ തത്ത്വങ്ങളില് നിന്ന് പ്രചോദനം ഉള്ക്കൊണ്ട് എല്ലാ ജീവജാലങ്ങളെയും പരിപാലിക്കാനുള്ള ധാര്മ്മിക അനിവാര്യതയെ ഇത് സൂചിപ്പിക്കുന്നു.
