ഷെയ്ൻ നിഗവും മഹിമ നമ്പ്യാരും കേന്ദ്രകഥാപാത്രങ്ങളെ അവതരിപ്പിക്കുന്ന ലിറ്റിൽ ഹാർട്സ് പ്രദർശനത്തിനു ഒരുങ്ങുകയാണ്. ചിത്രത്തിന്റെ പ്രമോഷന്റെ തിരക്കിലാണ് താരങ്ങളിപ്പോൾ.
പ്രമോഷൻ പരിപാടികളുടെ ഇടവേളയിൽ മഹിമയുടെ ചിത്രങ്ങൾ പകർത്തുന്ന ഷെയ്ൻ നിഗത്തിന്റെ ഒരു വീഡിയോ ആണ് ഇപ്പോൾ വൈറലാവുന്നത്. ലിറ്റിൽ ഹാർട്സിന്റെ നിർമാതാവായ സാന്ദ്ര തോമസാണ് ഈ വീഡിയോ ഷെയർ ചെയ്തിരിക്കുന്നത്.
സാന്ദ്ര തോമസ് പ്രൊഡക്ഷൻ നിർമ്മിക്കുന്ന ഈ ചിത്രത്തിൽ സിബി, ശോശ എന്നീ കഥാപാത്രങ്ങളെയാണ് ഷെയ്നും മഹിമയും അവതരിപ്പിക്കുന്നത്. ഷൈൻ ടോം ചാക്കോയും ചിത്രത്തിൽ ഒരു പ്രധാന കഥാപാത്രമായി എത്തുന്നുണ്ട്.
എബി ട്രീസ പോൾ, ആന്റോ ജോസ് പേരേര എന്നിവരാണ് ചിത്രത്തിന്റെ സംവിധായകർ. രാജേഷ് പിന്നാടൻ ആണ് ചിത്രത്തിന്റെ തിരക്കഥ. ഛായാഗ്രഹണം ലുക്ക് ജോസ്, എഡിറ്റിംഗ് നൗഫൽ അബ്ദുള്ള, സംഗീതം കൈലാസ് മേനോൻ എന്നിവരും നിർവഹിക്കും.
ബാബുരാജ്, ഷമ്മി തിലകൻ, ജാഫർ ഇടുക്കി, രഞ്ജി പണിക്കർ, ജോൺ കൈപ്പള്ളി, എയ്മ റോസ്മി, മാല പാർവതി, രമ്യ സുവി, പൊന്നമ്മ ബാബു, പ്രാർത്ഥന സന്ദീപ് എന്നിവരാണ് ചിത്രത്തിലെ മറ്റു പ്രധാന അഭിനേതാക്കൾ. മേയ് ഏഴിനാണ് ചിത്രം തിയേറ്ററുകളിലെത്തുന്നത്.
