ക്രൈസ്തവ വോട്ടുകളിൽ കടന്നു കയറാൻ കഴിഞ്ഞാൽ വയനാട് ബിജെപിക്ക് ബാലികേറാമലല്ലെന്ന് ബിജെപി സംസ്ഥാന അദ്ധ്യക്ഷന് കെ. സുരേന്ദ്രൻ. ലോക്സഭാ തെരഞ്ഞെടുപ്പില് എൽഡിഎഫ് വോട്ടുകളും ബിജെപിക്ക് ലഭിച്ചു. ഇടതുപക്ഷത്തിന് തകർച്ച ആസന്നമായിരിക്കുന്നതായും നിയമസഭാ തിരഞ്ഞെടുപ്പ് ലക്ഷ്യം വച്ചുള്ള പ്രവർത്തനങ്ങൾ ബൂത്തുകളിൽ ഉടന് ആരംഭിക്കുമെന്നും സുരേന്ദ്രന് പറഞ്ഞു.
വയനാട്ടിൽ വിജയിക്കുമെന്ന അമിത പ്രതീക്ഷ ബിജെപിക്ക് ഉണ്ടായിരുന്നില്ല. തൃശ്ശൂരിൽ കോൺഗ്രസിന്റെ ശക്തി കേന്ദ്രങ്ങളിൽ ബിജെപിക്ക് മുന്നേറ്റം ഉണ്ടായി. തദ്ദേശ തെരഞ്ഞെടുപ്പിലും നിയമസഭാ തിരഞ്ഞെടുപ്പിലും ഈ വിജയം പ്രതിഫലിക്കും. സംസ്ഥാന രാഷ്ട്രീയത്തിൽ കാര്യമായ മാറ്റം വന്നുകൊണ്ടിരിക്കുയാണ്. 11 നിയമസഭാ മണ്ഡലങ്ങളിൽ ഒന്നാം സ്ഥാനത്ത് ബിജെപി എത്തിയെന്നും പറഞ്ഞു.
എൽഡിഎഫ് വോട്ടുകളും ബിജെപിക്ക് ലഭിച്ചു. ഇടതുപക്ഷത്തിന് തകർച്ച ആസന്നമായിരിക്കുന്നു. അടുത്ത തെരഞ്ഞെടുപ്പുകളിൽ ഇരു വിഭാഗവും ഒന്നിച്ച് നിൽക്കേണ്ടിവരും. തൃശ്ശൂരിൽ കോൺഗ്രസിന്റെ ശക്തി കേന്ദ്രങ്ങളിൽ ബിജെപിക്ക് മുന്നേറ്റം ഉണ്ടായി. ബിജെപിയെ തോൽപ്പിക്കാനാണ് കെ മുരളീധരനെ തൃശൂരിൽ ഇറക്കിയതയെന്നും സുരേന്ദ്രൻ പറഞ്ഞു. നിയമസഭാ തിരഞ്ഞെടുപ്പ് ലക്ഷ്യം വച്ചുള്ള പ്രവർത്തനങ്ങൾ ബൂത്തുകളിൽ ആരംഭിക്കുമെന്നും പറഞ്ഞു.
