ശരീരത്തില് ടാറ്റൂകള് അടിക്കുന്നത് ഗുരുതരമായ പല പ്രശ്നങ്ങള്ക്കും കാരണമാകും. ലിംഫോമയെന്ന അപൂര്വ കാന്സറിന് ടാറ്റുകള്കാരണമാകുമെന്നാണ് സ്വീഡനിലെ ലന്ഡ് സര്വകലാശാലയിലെ ഗവേഷകര് കണ്ടെത്തിയത്.
വിഷയത്തില് കൂടുതല് ഗവേഷണം ആവശ്യമാണെന്നാണ് പഠനം സൂചിപ്പിക്കുന്നത്. ഈ മേഖലയില് ധാരാളം ഗവേഷണങ്ങള് നടന്നിട്ടില്ല. അതുകൊണ്ട് ടാറ്റൂകളുടെ അമിതമായ ഉപയോഗം ദീര്ഘകാല പാര്ശ്വഫലങ്ങളുണ്ടാക്കുമോയെന്നതില് പരിമിതമായ അറിവേയുള്ളുവെന്നും ഗവേഷകര് പറയുന്നു.
ചര്മ്മത്തില് കുത്തിവയ്ക്കുന്ന മഷിയിലെ കണങ്ങളുടെ വലിയൊരു ഭാഗം ലിംഫ് നോഡുകളില് ചെന്നെത്തുന്നതായാണ് കണ്ടെത്തല്. ലിംഫറ്റിക് സിസ്റ്റത്തില് എത്തുന്ന ടാറ്റൂ മഷി ആരോഗ്യത്തെ ബാധിക്കുന്നു. ഇവ വെളുത്ത രക്താണുക്കളെ (ലിംഫോസൈറ്റുകള്) ബാധിക്കുന്ന അപൂര്വമായ കാന്സറായ ലിംഫോമയ്ക്കുളള സാധ്യത വര്ദ്ധിപ്പിക്കുന്നതായി ഗവേഷകര് പഠനത്തില് കണ്ടെത്തി.
