ലോക പ്രശസ്തയായ ടെന്നീസ് താരമാണ് സാനിയ മിർസ. ഇന്ത്യൻ കായിക രംഗത്തിന് മികച്ച സംഭാവനകൾ നൽകിയ വ്യക്തികൂടിയാണ് ഇവർ. ടെന്നീസ് ഡബിൾസിൽ ലോക ഒന്നാം റാങ്ക് എന്ന സ്ഥാനം വരെ അവർ അലങ്കരിച്ചിട്ടുണ്ട്. അർജുന അവാർഡ്, പദ്മശ്രീ, പദ്മ ഭൂഷൺ തുടങ്ങിയ ബഹുമതികൾ നൽകി രാജ്യം അവരുടെ മികവിന് ആദരം നൽകി.
എന്നാല് വ്യക്തിജീവിതത്തില് ഇടയ്ക്ക് ചില വിഷമഘട്ടങ്ങളിലൂടെ താരം കടന്നു പോയിരുന്നു. ദീര്ഘനാളത്തെ പ്രണയത്തിനു ശേഷം പരമ്പരാഗത ഹൈദരബാദി മുസ്ലീം വിവാഹ ചടങ്ങിൽ ഷൊയ്ബ് മാലിക്കിനെ സാനിയ വിവാഹം ചെയ്തിരുന്നു. രണ്ടുപേരും അടുത്തിടെ വേര്പിരിഞ്ഞിരുന്നു. അതിനു ശേഷം പാകിസ്ഥാൻ നടി സന ജാവേദിനെ ഷൊയ്ബ് മാലിക്കിനെ വിവാഹം കഴിച്ചു.
ഇപ്പോഴിതാ കപിൽ ശർമ്മയുടെ ‘ദ ഗ്രേറ്റ് ഇന്ത്യന് കപില് ഷോ’യില് നിന്നുള്ള സാനിയ മിർസയുടെ ഒരു വീഡിയോ വൈറലാകുകയാണ്. അതിൽ ഒരു പ്രണയ താൽപ്പര്യത്തെ കണ്ടെത്തുന്നതിനെക്കുറിച്ച് സംസാരിച്ചപ്പോള് സാനിയ പറഞ്ഞ മറുപടിയാണ് ശ്രദ്ധിക്കപ്പെടുന്നത്. ‘‘ഷാരൂഖ് ഖാന് ഒരിക്കല് ഒരു അഭിമുഖത്തില് പറഞ്ഞത്, എപ്പോഴെങ്കിലും സാനിയുടെ ബയോപിക് ചെയ്യുന്നുണ്ടെങ്കില് താനതില് സാനിയയുടെ ലവ് ഇന്ററസ്റ്റ് ആകാന് താത്പര്യപ്പെടുന്നു എന്നാണ്. അങ്ങനെയെങ്കില് താങ്കളുടെ കഥാപാത്രം മറ്റാരെങ്കിലും ചെയ്യാന് താങ്കള് ആഗ്രഹിക്കുന്നുണ്ടോ ? അതോ താങ്കള് തന്നെ ചെയ്യുമോ ?’’ എന്നായിരുന്നു കപില് ശര്മ്മയുടെ ചോദ്യം.
അതിനുള്ള മറുപടിയായി, ‘‘എനിക്കാദ്യം എന്റെ ലവ് ഇന്ററസ്റ്റ് ആരാണെന്ന് കണ്ടുപിടിക്കണം...’’ എന്നായിരുന്നു സാനിയ പറഞ്ഞ മറുപടി. അല്പ്പം ഗദ് ഗദത്തോടെ കണ്ണുകള് ഈറനണിയിച്ചായിരുന്നു സാനിയയുടെ മറുപടി. എങ്കിലും ചിരിച്ചു കൊണ്ടാണ് സാനിയ മറുപടി പറഞ്ഞത്. കപിലും കാണികളുമടക്കം എല്ലാവരും സാനിയയുടെ മറുപടിയില് ചിരിക്കുന്നുണ്ട്.
വീഡിയോ വൈറലായതോടെ സാനിയയുടെ കണ്ണുകള് നിറഞ്ഞത് തന്റെ പ്രണയത്തെക്കുറിച്ച് ഓര്ത്തിട്ടാണെന്നാണ് പല ആരാധകരും കുറിക്കുന്ന കമന്റുകള്.
