അച്ഛനമ്മമാരെ കണ്ടാണ് മക്കള് പഠിക്കുന്നത് എന്ന് എല്ലാവരും പറയും. കൗണ്സിലിങിലൊക്കെ എത്രയൊക്കെ ആവര്ത്തിച്ചാലും പലര്ക്കും അത് മനസ്സിലാവില്ല. കുട്ടികളുടെ മുന്പില് വെച്ച് മാതാപിതാക്കള് വഴക്കടിക്കരുത് എന്നത് വലിയൊരു സന്ദേശമാണ്. നമ്മള് എന്താണ് അവരുടെ മുന്നില് വച്ച് പറയുന്നതും ചെയ്യുന്നതും, അതാണ് അവര് കണ്ടു പഠിക്കുന്നതും, മനസ്സിലാക്കുന്നതും. അത് മനോഹരമായ ഒരു പോസ്റ്റിലൂടെ വ്യക്തമാക്കിയിരിക്കുകയാണ് സ്നേഹ.
രണ്ട് പ്രസവവും കഴിഞ്ഞതിന് ശേഷം സ്നേഹ ശാരീരികമായി ഒരുപാട് മാറിയിരുന്നു. അതോടെ വണ്ണം കുറയ്ക്കാന് വേണ്ടിയുള്ള എക്സസൈസും ഡയറ്റും സ്നേഹയുടെ ശീലങ്ങളുടെ ഭാഗമായി. അത് കണ്ടുകൊണ്ടാണ് മക്കള് വളര്ന്നത്. തനിക്കൊപ്പം വര്ക്കൗട്ട് ചെയ്യുന്ന മകന്റെ ഫോട്ടോ പങ്കുവച്ചുകൊണ്ട് സ്നേഹ പറഞ്ഞു, 'നമ്മളെന്താണോ ചെയ്യുന്നത് അതാണ് അവര് കാണുന്നത്, അവര് കാണുന്നത് എന്താണോ അതാണ് ചെയ്യുന്നത്' എന്ന്. നമ്മളില് നിന്നാണ് അവര് പഠിക്കുന്നത് എന്ന് സ്നേഹ ഹാഷ് ടാഗിലും വ്യക്തമാക്കി.
മാതാപിതാക്കള്ക്കുള്ള വലിയൊരു സന്ദേശമാണ് ഈ പോസ്റ്റും ചിത്രവും എന്ന് ആരാധകര് പറയുന്നു. അതേ സമയം ചിലര് ശ്രദ്ധിച്ചത് സ്നേഹയുടെ ഫോട്ടോയും ക്യാപ്ഷനും ഒന്നുമല്ല. മകന് വിഹാന്റെ മാറ്റമാണ്. വിഹാന് വലിയ കുട്ടിയായി എന്ന കമന്റിട്ടത് അറിയപ്പെടുന്ന ഓണ്ട്രപ്രൊണറായ രേണുക പ്രവീണാണ്. മകന് അച്ഛന്റെ അതേ ഛായയാണ്, ഒരു ഭാഗം നോക്കുമ്പോള് പ്രസന്ന തന്നെയാണെന്ന് ഭൂരിഭാഗം പേരും അഭിപ്രായപ്പെടുന്നു.
2012 ല് ആണ് സ്നേഹയുടെയും പ്രസന്നയുടെയും വിവാഹം കഴിഞ്ഞത്. 2009 ല് അച്ചമുണ്ട് അച്ചമുണ്ട് എന്ന ചിത്രത്തില് ഒന്നിച്ചഭിനയിച്ചതുമുല് സുഹൃത്തുക്കളായതാണ് ഇരുവരും. പിന്നീട് അത് പ്രണയത്തിലേക്ക് വഴിമാറി. വിഹാനെ കൂടാതെ ഒരു മകളും സ്നേഹയും പ്രസന്നയ്ക്കും ഉണ്ട്. വിവാഹവും പ്രസവവും എല്ലാം കഴിഞ്ഞ് സ്നേഹ ഇപ്പോഴും അഭിനയത്തില് സജീവമാണ്. അതേ സമയം സെലക്ടീവാണ്. തെലുങ്കിലും മലയാളത്തിലും തമിഴിലും സിനിമകള് ചെയ്യുന്നുണ്ടെങ്കിലും, മികച്ച റോളുകള് വന്നാല് മാത്രമേ ചെയ്യൂ.
അതിനൊപ്പം സ്നേഹ ഇപ്പോള് ബിസിനസ്സ് രംഗത്തേക്കും ഇറങ്ങി. സ്നേഹാലയം എന്ന സ്ഥാപനത്തിന്റെ ഉടമയാണ്. സാരിയാണ് മെയിന്. തന്റെ പുതിയ ബിസിനസ്സിന് പ്രസന്നന്റെ ഫുള് സപ്പോര്ട്ടുണ്ട് എന്ന് സ്നേഹ പറയുന്നു. ഇപ്പോള് എനിക്ക് എന്താണോ സന്തോഷം നല്കുന്നത് അക്കാര്യങ്ങളിലാണ് ഫോക്കസ് നല്കുന്നത് എന്ന് സ്നേഹ അടുത്തിടെ നല്കിയ അഭിമുഖത്തില് പറഞ്ഞിരുന്നു.
