ന്യൂഡല്ഹി: പാകിസ്താന് പാര്ലമെന്റിലെ ഗ്ളാമര് എംപിമാരില് ഒരാളാണ് സര്താജ് ഗുല്. മുന്പ്രധാനമന്ത്രി ഇമ്രാന്ഖാന്റെ ക്യാബിനറ്റില് ഉണ്ടായിരുന്നയാളുമായ ഇവര് പാക് പാര്ലമെന്റില് സ്പീക്കറുമായി നടത്തുന്ന വര്ത്തമാനം സാമൂഹ്യമാധ്യങ്ങളില് വൈറലാകുന്നു.
താന് സംസാരിക്കുമ്പോള് കണ്ണില്തന്നെ നോക്കണമെന്നും തന്റെ കണ്ണില് നോക്കാന് ബുദ്ധിമുട്ടുണ്ടെങ്കില് ഒരു കണ്ണാടി ധരിച്ചുകൊണ്ട് തന്നെ നോക്കാനും ഇവര് സ്പീക്കറോട് പറയുന്നതാണ് വൈറലാകുന്നത്. അടുത്തിടെ പാകിസ്താന് അസംബ്ളിയില് നടന്ന പാര്ലമെന്റ് നടപടികള് ഇപ്പോള് വൈറലായിരിക്കുകയാണ്. ''എന്റെ പാര്ട്ടിനേതാക്കള് കണ്ണില്നോക്കി സംസാരിക്കാനാണ് പഠിപ്പിച്ചിരിക്കുന്നത്. നിങ്ങള് ഇതുപോലെ കണ്ണുകളിലേക്ക് നോക്കാതിരുന്നാല് എനിക്ക് സംസാരം തുടരാന് കഴിയില്ല. വേണമെങ്കില് താങ്കള് കണ്ണട ധരിച്ചോളു. എന്നിട്ട് എന്റെ കണ്ണുകളിലേക്ക് നോക്കണം. ന്നരലക്ഷം വോട്ടുകള് കിട്ടി ജയിച്ച നേതാവാണ് ഞാന്. നിങ്ങള് എന്നെ ശ്രദ്ധിക്കുന്നില്ലെങ്കില് എനിക്ക് സംസാരിക്കാന് കഴിയില്ല.'' സര്താജ് ഗുല് പറയുന്നു. ഇതിന് ഞാന് സ്ത്രീകളുടെ കണ്ണുകളില് നോക്കാറില്ലെന്നായിരുന്നു സ്പീക്കറുടെ മറുപടി.
2024 തെരഞ്ഞെടുപ്പില് ദേരാഗാസിയില് നിന്നും രണ്ടാമതും തെരഞ്ഞെടുക്കപ്പെട്ടയാളാണ് സര്താജ്. മുന് ഇമ്രാന്ഖാന് സര്ക്കാരില് 2018 മുതല് 2022 വരെ കാലാവസ്ഥാ സഹമന്ത്രിയായിരുന്നു ഗുല്. ഗുല്ലിന്റെ സംഭാഷണത്തില് പാര്ലമെന്റിലെ മറ്റ് സഹപ്രവര്ത്തകരായ സ്ത്രീകള് ഡസ്ക്കിലടിച്ച് അഭിനന്ദിക്കുന്നതും വീഡിയോയില് കാണാനാകും.
