ചെറുതും വലുതുമായ നിരവധി കഥാപാത്രങ്ങളിലൂടെ പ്രേക്ഷകരെ ഞെട്ടിച്ച താരമാണ് ഇന്ദ്രൻസ്. ഒരുകാലത്ത് സ്ഥിരം കോമഡി കഥാപാത്രങ്ങള് മാത്രം ചെയ്തിരുന്ന താരം പിന്നീട് വളരെ സീരിയസ് കഥാപാത്രങ്ങള് ചെയ്ത് കൈയടി നേടി. വില്ലൻ രംഗങ്ങളില് പോലും പ്രേക്ഷകരെ ഞെട്ടിച്ച് താരം വെള്ളിത്തിരയില് തിളങ്ങുന്നു. കരുത്തുറ്റ വ്യത്യസ്തമായ കഥാപാത്രങ്ങള് ചെയ്യുന്ന താരത്തിന്റെ അടുത്തിടെയിറങ്ങിയ എല്ലാ കഥാപാത്രങ്ങളും ഒന്നിനൊന്ന് മികച്ച് നില്ക്കുന്നതാണ്. ഉടല് എന്ന ചിത്രത്തിലെ ഇന്ദ്രൻസിന്റെ കഥാപാത്രമൊക്ക മലയാളി ആരാധകർ ഒരിക്കല് പോലും പ്രതീക്ഷിച്ചിരുന്നതല്ല.
കഴിഞ്ഞ ദിവസം നടന്ന താരസംഘടനയായ ‘അമ്മ’യുടെ കൊച്ചിയിൽ നടന്ന ജനറൽബോഡി യോഗത്തിൽ മിക്ക അഭിനേതാക്കളും പങ്കെടുത്തിരുന്നു. ചടങ്ങുകള്ക്കൊപ്പം സിനിമാമേഖലയില് മികച്ച പ്രകടനം കാഴ്ചവയ്ക്കുന്ന താരങ്ങളെ ആദരിക്കുകയും ചെയ്തിരുന്നു.
ഇപ്പോഴിതാ ചലച്ചിത്ര പുരസ്കാരജേതാക്കൾക്ക് ഒരുക്കിയ ആദരവിൽ ഇന്ദ്രൻസിന് ഉപഹാരം സമ്മാനിച്ചതിനുശേഷം മോഹൻലാൽ ചുംബിക്കുന്നതും പിന്നാലെ ഇന്ദ്രൻസും മോഹൻലാലിന് ചുംബനം നൽകുന്നതുമായ വീഡിയോയാണ് സോഷ്യല് മീഡിയ ഏറ്റെടുക്കുന്നത്. ‘‘ഞാൻ എല്ലാവർക്കും ഉമ്മ നൽകും എനിക്ക് ആരും തരാനില്ല’’ എന്ന് മോഹൻലാൽ പറഞ്ഞപ്പോഴായിരുന്നു ഇന്ദ്രൻസിന്റെ സ്നേഹചുംബനം. പുതിയ ജനറൽ സെക്രട്ടറിയായി തിരഞ്ഞെടുക്കപ്പെട്ട നടൻ സിദ്ദിഖ് സമീപമുണ്ടായിരുന്നു. വേദിയിൽനിന്നുള്ള ചിത്രങ്ങൾ ചുരുങ്ങിയ നേരം കൊണ്ട് ശ്രദ്ധ നേടി സോഷ്യൽ മീഡിയയുടെ ഹൃദയം കീഴടക്കുകയാണ് നടന്മാരായ മോഹൻലാലും ഇന്ദ്രൻസും പരസ്പരം സ്നേഹചുംബനങ്ങളേകുന്ന കാഴ്ച.
