നര്ത്തകി, അവതാരക, അഭിനേത്രി എന്നീ നിലകളില് തിളങ്ങി നില്ക്കുന്ന താരമാണ് സ്വാസിക വിജയ്. ചെറിയ വേഷങ്ങളിലൂടെ പ്രേക്ഷകര്ക്ക് മുന്നിലെത്തിയ താരം പരമ്പരകളിലൂടെയാണ് പ്രേക്ഷകര്ക്ക് പ്രിയങ്കരിയായത്. പിന്നീട് ‘ചതുരം’ പോലെയുള്ള സിനിമകളിലൂടെ താരം ബിഗ് സ്ക്രീനില് തന്റെ സ്ഥാനം ഉറപ്പിച്ചു. സോഷ്യല് മീഡിയയിലും നിറഞ്ഞു നില്ക്കുന്ന താരത്തിന്റെ വിശേഷങ്ങള് അറിയാന് മലയാളികള്ക്ക് എന്നും ഒരു പ്രത്യേക താല്പ്പര്യമാണ്.
സിനിമയില് തിളങ്ങി നില്ക്കുന്ന സമയത്താണ് സ്വാസികയും തമിഴ് സീരിയല് താരവും മോഡലുമായ പ്രേം ജേക്കബും വിവാഹിതരായത്. സുഹൃത്തുക്കൾക്കും കുടുംബാംഗങ്ങൾക്കുമൊപ്പം ബീച്ചിൽ വച്ചു നടന്ന സ്വകാര്യ ചടങ്ങിലായിരുന്നു വിവാഹം. സീരിയൽ സെറ്റിൽ വച്ചാണ് സ്വാസികയും പ്രേമും കണ്ടുമുട്ടുന്നത്. ആ പരിചയം പിന്നീട് പ്രണയത്തിലേക്കെത്തുകയും ഇരുവരും വിവാഹിതരാവുകയകയായിരുന്നു.
ഇപ്പോഴിതാ തങ്ങളുടെ ദാമ്പത്യം ആറു മാസം പിന്നിട്ട സന്തോഷം പങ്കിടുകയാണ് സ്വാസിക. ജീവിതത്തിലെ പുതിയ സന്തോഷമായി ഒരുമിച്ചുളള തങ്ങളുടെ ജീവിതം തുടങ്ങിയിട്ട് ഇന്നേക്ക് ആറുമാസമായി എന്നാണ് സ്വാസിക കുറിച്ചിരിക്കുന്നത്. ‘‘ആറ് മാസങ്ങൾ ഒരുമിച്ച്, ഒരുമിച്ച്...’’ എന്ന ക്യാപ്ഷനും നല്കിയാണ് താരം ചിത്രം പങ്കിട്ടിരിക്കുന്നത്.
പ്രേമിനെ ടാഗ് ചെയ്താണ് സ്വാസികയുടെ പോസ്റ്റ്. ഓസ്ട്രേലിയയില് അവധി ആഘോഷിക്കാന് പോയപ്പോള് എടുത്ത ചിത്രങ്ങള് ആണ് താരം പോസ്റ്റില് പങ്കുവച്ചിരിക്കുന്നത്. മോഡേണ് ലുക്കില് ഷോര്ട്ട്സും ടീഷര്ട്ടും ധരിച്ച് പ്രേമും ഷോര്ട്ട്സും ഹുഡിയും ധരിച്ച് സ്വാസികയെയും ചിത്രങ്ങളില് കാണാം. ഒരുപാട് ചിത്രങ്ങള് താരം പങ്കുവച്ചിട്ടുണ്ട്, അക്കൂട്ടത്തില് താരങ്ങള് യോഗ ചെയ്യുന്ന പ്രേമിനരികില് ഇരിക്കുന്ന സ്വാസികയെയും കാണാം. താരങ്ങളുടെ ചിത്രങ്ങള് ഏറ്റെടുത്തിരിക്കുകയാണ് താരങ്ങള്. ഒപ്പം കമന്റുകളിലൂടെ ആശംസകളും നേരുന്നുണ്ട്.
നീണ്ട പ്രണയത്തിനൊടുവിലാണ് സ്വാസികയും പ്രേം ജേക്കബും വിവാഹിതരായത്. പ്രേമിനോട് വിവാഹാഭ്യര്ത്ഥന നടത്തിയത് താനാണെന്ന് സ്വാസിക മുന്പ് പറഞ്ഞിട്ടുണ്ട്. ഒരു സീരിയലിന്റെ സെറ്റില് വച്ചാണ് പ്രേമിനെ കണ്ടുമുട്ടിയതെന്നും ഷൂട്ടിനിടെ പ്രണയാഭ്യര്ത്ഥന നടത്തിയെന്നും സ്വാസിക പറഞ്ഞിരുന്നു. വൈഗ എന്ന ചിത്രത്തിലൂടെയാണ് സ്വാസികയുടെ അരങ്ങേറ്റം. ബാങ്കിംഗ് അവേഴ്സ്, മോണ്സ്റ്റര്, ചതുരം, വാസന്തി, കുമാരി, ഉടയോള്, പാഠം വളവ്, ഇട്ടമണി മെയ്ഡ് ഇന് ചൈന, അയാളും ഞാനും തമ്മില്, സ്വര്ണ കടുവ, കുട്ടനാടന് മാര്പ്പാപ്പ തുടങ്ങിയവയടക്കം നിരവധി ചിത്രങ്ങളില് സ്വാസിക അഭിനയിച്ചിട്ടുണ്ട്.
