മലയാളത്തിൽ മാത്രമല്ല തെന്നിന്ത്യ മുഴുവൻ തിളങ്ങി നിൽക്കുന്ന ഏറ്റവും വിലപിടിപ്പുള്ള സംഗീത സംവിധായകരില് ഒരാളാണ് ഗായകൻ കൂടിയായ ഗോപി സുന്ദർ. തെലുങ്കിലാണ്സം ഗോപി സുന്ദർ ഇപ്പോൾ കൂടുതല് ശ്രദ്ധ കൊടുത്തിരിക്കുന്നത്. താരത്തിന്റെ കരിയർ മാത്രമല്ല സ്വകാര്യ ജീവിതവും പലപ്പോഴും വാർത്തകളിൽ നിറയാറുണ്ട്. തന്റെ വ്യക്തി ജീവിതത്തിലേയും സ്വകാര്യ ജീവിതത്തിലേയും വിശേഷങ്ങളെല്ലാം ഗോപി സുന്ദർ സോഷ്യല്മീഡിയയില് പങ്കുവയ്ക്കാറുണ്ട്.
പലപ്പോഴും താരത്തിന്റെ പോസ്റ്റുകളില് വിമര്ശനങ്ങള് വരാറുള്ളത് പെണ് സുഹൃത്തുക്കള്ക്ക് ഒപ്പം താരം പങ്കിട്ട ചിത്രങ്ങളിലൂടെയാണ്. മുമ്പ് വിവാഹിതനും രണ്ട് ആണ്കുട്ടികളുടെ അച്ഛനുമായിരുന്നുവെന്നതും അഭയ ഹിരണ്മയി, അമൃത സുരേഷ് എന്നിവരുമായി പ്രണയത്തിലായിരുന്നുവെന്നതുമാണ് ഈ വിമര്ശനങ്ങള് വരാനുള്ള കാരണം. ഒരു സമയം വരെ നിരന്തരമായി അമൃത സുരേഷിനൊപ്പമുള്ള ചിത്രങ്ങളും മറ്റുമെല്ലാം ഗോപി സുന്ദർ സോഷ്യല്മീഡിയയില് പങ്കിടാറുണ്ടായിരുന്നു. എന്നാല് അടുത്ത കാലത്തായി ഇരുവരും പരസ്പരമുള്ള ചിത്രങ്ങളോ വീഡിയോയോ ഒന്നും തന്നെ പോസ്റ്റ് ചെയ്യാറില്ല. ഗോപി സുന്ദറിപ്പോള് പങ്കുവയ്ക്കാറുള്ള സോഷ്യല്മീഡിയ പോസ്റ്റുകളില് എപ്പോഴും നിറഞ്ഞ് നില്ക്കാറുള്ള ഒരാള് ഗായിക കൂടിയായ മയോനിയെന്ന് അറിയപ്പെടുന്ന പ്രിയ നായരാണ്.
ഇപ്പോഴിതാ പ്രിയയെ കുറിച്ചും ഗോപി സുന്ദറും ഗോപിയെ കുറിച്ച് പ്രിയയും സോഷ്യല്മീഡിയയില് പങ്കിട്ട പോസ്റ്റാണ് വൈറലാകുന്നത്.
‘‘മൈ ന്യൂ ഇൻട്രൊഡക്ഷൻ... സിംഗർ പ്രിയ നായർ...പ്രിയ സംഗീത ലോകത്തേക്ക് സ്വാഗതം...’’ എന്നാണ് പാട്ടിന്റെ ലിങ്കും പ്രിയയ്ക്കൊപ്പമുള്ള ചിത്രവും പങ്കിട്ട് ഗോപി സുന്ദർ കുറിച്ചത്.
ഗോപി സുന്ദറിന്റെ സംഗീതത്തില് പിറന്ന ഗാനത്തിന് പിന്നണി പാടാൻ സാധിച്ച സന്തോഷം പ്രിയയും പങ്കുവച്ചിട്ടുണ്ട്. ‘‘ഇതിഹാസതാരം ഗോപി സുന്ദർ ഈണമിട്ട മനോഹരമായ ഒരു ഗാനത്തിലൂടെ മലയാള സംഗീത വ്യവസായത്തിലെ എന്റെ അരങ്ങേറ്റം പങ്കുവെക്കുന്നതിൽ സന്തോഷമുണ്ട്. എനിക്ക് വളരെ പ്രത്യേകതയുള്ള ഒരാളോടൊപ്പം പാടാനുള്ള ഈ അത്ഭുതകരമായ അവസരത്തിന് നന്ദി...സ്നേഹം സ്നേഹം...‘താനാരാ’ എന്ന സിനിമയിലെ ‘സോന ലഡ്കി’ എന്ന ഗാനം...’’ എന്നാണ് പ്രിയ ഗോപിസുന്ദറിനൊപ്പമുള്ള ചിത്രത്തിന്റെ കൂടെ കുറിച്ചിരിക്കുന്നത്.
ഹരിദാസ് സംവിധാനം ചെയ്യുന്ന താനാരാ എന്ന ചിത്രത്തില് പിന്നണി പാടികൊണ്ടാണ് മലയാളത്തിലേക്ക് പ്രിയ അരങ്ങേറിയിരിക്കുന്നത്. ചിത്രത്തിലെ സോന ലഡ്കി എന്ന പാട്ടാണ് പ്രിയ നായർ ആലപിച്ചിരിക്കുന്നത്.
വാഹനത്തിന് മുകളിലിരിക്കുന്ന പ്രിയ നായർക്കൊപ്പം നില്ക്കുന്ന ഗോപി സുന്ദറിന്റെ ചിത്രം വൈറലായതോടെ പതിവുപോലെ ഗോപി സുന്ദറിന്റെ സ്വകാര്യ ജീവിതവുമായി ബന്ധപ്പെട്ടുള്ള കമന്റുകള് വന്നു തുടങ്ങി. രണ്ട് പേരുടെ സോഷ്യല്മീഡിയ പോസ്റ്റിന് താഴെയും അസഭ്യം നിറഞ്ഞ ഭാഷയില് നിരവധി കമന്റുകള് വന്നിട്ടുണ്ട്. ചിലതിനൊക്കെ അതേ നാണയത്തില് തന്നെ ഗോപി സുന്ദർ മറുപടി നല്കിയിട്ടുമുണ്ട്.
‘എടുക്കുമ്പോള് നല്ലൊരു വണ്ടി എടുത്തിരുന്നെങ്കില് ഇങ്ങനെ മാറി മാറി വണ്ടി മാറ്റേണ്ടായിരുന്നു. പ്രത്യേകിച്ച് ടെസ്റ്റ് ഡ്രൈവ് ഒക്കെ അവലൈബിളായിട്ടുള്ള താങ്കളെ പോലുള്ളവർക്ക്, ലഭിക്കുന്ന സംഗീതത്തെയൊക്കെ നെഞ്ചോട് ചേർക്കുന്ന മഹാവിസ്മയമാണ് അങ്ങ് ,മെയില് സിങ്ങേഴ്സിന് വല്ലപ്പോഴുമൊക്കെ അവസരമുണ്ടാവുമ്ബോള് പറയണേ, ഓരോ ആഴ്ചയിലും ഓരോ ഇൻട്രൊഡക്ഷൻ... കൊള്ളാം അണ്ണാ..., ഗോപി അണ്ണാ ഗോപി അണ്ണന് പറ്റിയ പേര് ശ്രീകൃഷ്ണൻ എന്നാണ്, അടുത്ത ജന്മത്തില് ഗോപിയായി ജനിക്കണം എന്നിങ്ങനെ നീളുന്നു കമന്റുകള്.
താനും പ്രിയയും തമ്മിലുള്ള ബന്ധമെന്താണെന്ന് ഗോപി സുന്ദർ എവിടെയും വെളിപ്പെടുത്തിയിട്ടില്ല. ഗോപി സുന്ദർ തന്റെ സ്ത്രീ സുഹൃത്തുക്കള്ക്കൊപ്പം ഫോട്ടോ പങ്കുവെയ്ക്കുമ്പോഴൊക്കെ വിമർശനങ്ങള് കേള്ക്കാറുണ്ട്.
