സമ്മര്ദ്ദം നിറഞ്ഞ ജോലിയില് നിന്ന് ഇടവേളയെടുത്ത് യാത്രകള് പോകുന്നവര് അനവധിയാണ്. താരങ്ങളുടെ വിദേശയാത്രകള്ക്ക് ആരാധകരേറെയാണ്. എന്നാലിപ്പോള് വൈറലാകുന്നത് ചിന്തയിലാണ്ട് ബോട്ട് യാത്ര ആസ്വദിക്കുന്ന ബോളിവുഡ് താരം പരിണീതി ചോപ്രയുടെ ഇന്സ്റ്റഗ്രാം പോസ്റ്റാണ്.
എ.ആര് റഹ്മാന് , ഫറാ സിറാജ് , അനി ചോയിങ് ദ്രോല്മ എന്നിവരുടെ സരിയാ എന്ന ഗാനത്തോടെയാണ് മേക്കപ്പില്ലാതെ താടിയില് കൈകൊടുത്തിരിക്കുന്ന ചിത്രം പരിണീതി പോസ്റ്റ് ചെയ്തിരിക്കുന്നത്.
ജീവിതത്തിലേക്ക് ഒരു തിരിഞ്ഞുനോട്ടത്തിനും മനസ്സാണ് എല്ലാശമന്ന വിശ്വാസം ഊട്ടിയുറപ്പിക്കാനും ഈ മാസം ഞാന് കുറച്ച് സമയം ചിലവിട്ടു എന്ന ക്യാപ്ഷനും ചിത്രത്തിനൊപ്പമുണ്ട്.
അപ്രധാനമായ കാര്യങ്ങള്ക്ക് പ്രാധാന്യം കൊടുക്കരുത്. ഒരു നിമിഷം പോലും പാഴാക്കരുത്. സമയം ഓടിക്കൊണ്ടിരിക്കുകയാണ്. മറ്റുളളവര്ക്ക് വേണ്ടി ജീവിക്കുന്നത് അവസാനിപ്പിക്കൂ. നിങ്ങളുടെ കൂട്ടത്തെ കണ്ടെത്തി ജീവിതത്തില് നിന്ന് ടോക്സിക് ആയ മനുഷ്യരെ ഉപേക്ഷിക്കൂ. ജീവിതം അനന്തമാണ് എന്ന് പോസ്റ്റില് പറയുന്നു. ആരെ ഉദ്ദേശിച്ചാണ് പോസ്റ്റ് എന്ന കമന്റുകള് മുതല് നിങ്ങള്ക്ക് ഞങ്ങളുണ്ട് എന്ന കമന്റുകള് വരെ പോസ്റ്റിനടിയിലുണ്ട്.
