ഉരുള്പൊട്ടല് ദുരന്തത്തില് ഒറ്റപ്പെട്ടുപോയ കന്നുകാലികള് ഉള്പ്പെടെയുള്ള വളര്ത്ത് മൃഗങ്ങള് ഇനി അനാഥരാകില്ല. പരുക്കേറ്റ മൃഗങ്ങള്ക്ക് ആവശ്യമായ ചികിത്സ നല്കിയതിന് ശേഷം ഏറ്റെടുക്കാനായി തയ്യാറുള്ള സമീപപ്രദേശങ്ങളിലെക്ഷിര കര്ഷകരെ മൃഗസംരക്ഷണ വകുപ്പ് അവയെ ഏല്പ്പിക്കും. 24 മണിക്കൂറും ചൂരല്മലയില് പ്രവര്ത്തിക്കുന്ന മൃഗസംരക്ഷണ വകുപ്പിന്#റെ കണ്ട്രോള് റൂമാണ് പ്രവര്ത്തനങ്ങള്ക്ക് ചുക്കാന് പിടിക്കുന്നത്.
മൃഗങ്ങളെ ഏറ്റെടുക്കുന്ന ക്ഷീരകര്ഷകരുടെ പേര് വിവരങ്ങള് കൃത്യമായി രേഖപ്പെടുത്തും. നിലവില് മൃഗങ്ങള്ക്ക് ആവശ്യമായ ഭക്ഷണം, ജലം എന്നിവ എന്ജിഒ, വോളണ്ടിയര്മാര് മുഖേന ലഭ്യമാക്കുന്നുണ്ട്. കഴിഞ്ഞദിവസം ചൂരല്മല ദുരന്തസ്ഥലത്തുനിന്നും ലഭിച്ച രണ്ട് നായക്കുട്ടികളെ മിലിട്ടറിക്കും പോലിസ് സ്പെഷ്യല് ഡിഫെന്സ് ഗ്രൂപ്പിനും കൈമാറിയിരുന്നു.
