തെന്നിന്ത്യയില് സഹനായക വില്ലന് വേഷങ്ങളില് തിളങ്ങി നില്ക്കുന്ന അഭിനേതാവാണ് റിയാസ് ഖാന്. താരത്തിന്റെ വില്ലന് വേഷങ്ങള് രണ്ടും കൈയും നീട്ടിയാണ് മലയാള സിനിമാപ്രേക്ഷകര് സ്വീകരിക്കാറുള്ളത്. സോഷ്യല് മീഡിയയിലും നിറഞ്ഞു നില്ക്കുന്ന താരമാണ് റിയാസ് ഖാന്. താരം സിനിമാവിശേഷങ്ങളും സ്വകാര്യവിശേഷങ്ങളുമെല്ലാം അതിലൂടെ പങ്കിടാറുണ്ട്.
ഇപ്പോഴിതാ തന്റെ മൂത്ത മകന് ഷാരിഖ് ഹസന്റെ ഹല്ദി ചടങ്ങുകള് ആഘോഷമാക്കുന്ന റിയാസിന്റെയും ഭാര്യ ഉമയുടെയും വീഡിയോയാണ് വൈറലാകുന്നത്. ‘അടിച്ചു കേറി വാ’ എന്ന ഹിറ്റ് ഡയലോഗ് ഹൈലൈറ്റ് ചെയ്ത റാപ്പ് ഗാനത്തിന്റെ പശ്ചാത്തലത്തിലാണ് ഹല്ദി വീഡിയോ പുറത്തിറങ്ങിയിരിക്കുന്നത്. ഡാന്സും പാട്ടുമൊക്കെയായി ഫുള് വൈബിലാണ് വിവാഹാഘോഷങ്ങ ചടങ്ങുകള്.
മരിയ ജെന്നിഫറാണ് ഷാരിഖിന്റെ വധു. ഏറെക്കാലമായി ഷാരിഖും മരിയയും പ്രണയത്തിലായിരുന്നു. നടനും തമിഴ് ബിഗ് ബോസ് താരവുമായ ഷാരിഖ് സിനിമാ രംഗത്തേക്കും കടക്കുകയാണ്. നിലവില് ലോകേഷ് കുമാര് സംവിധാനം ചെയ്യുന്ന ‘റിസോര്ട്ട്’ എന്ന ചിത്രത്തില് അഭിനയിച്ചു കൊണ്ടിരിക്കുകയാണ് ഷാരിഖ്.
1992ല് ആയിരുന്നു റിയാസ് ഖാന്റെയും ഉമയുടെയും വിവാഹം. മലയാളത്തിനൊപ്പം തമിഴ് സിനിമയിലും സജീവമായിരുന്ന റിയാസ് ഖാന്, അതിനിടെയിലാണ് തമിഴ് സംഗീത സംവിധായകന് കമലേഷിന്റെയും നടി കമല കമലേഷിന്റെയും മകളായ ഉമയുമായി പ്രണയത്തിലായത്. ഷാരിഖിനെ കൂടാതെ സമര്ഥ് എന്ന മകനും ഇവര്ക്കുണ്ട്.
ആവേശം എന്ന ചിത്രത്തിലെ ‘എടാ മോനെ’ എന്ന ഡയലോഗ് ഹിറ്റായതിന് പിന്നാലെ റിയാസ് ഖാന് വേഷത്തിലെത്തിയ ‘ജലോത്സവം’ സിനിമയിലെ താരത്തിന്റെ ഡയലോഗും വൈറലായിരുന്നു. ‘അടിച്ചു കയറി വാ’ എന്ന അതേ ഡയലോഗ് ഹൈലൈറ്റ് ചെയ്താണ് ഷാരിഖിന്റെ വിവാഹ വീഡിയോകള്. വീഡിയോ കണ്ടിട്ട് കല്യാണ ചെക്കനെക്കാള് പൊളിയാണ് അച്ഛന് റിയാസ് ഖാന് എന്ന് ആരാധകര് കമന്റുകളിടുന്നുണ്ട്.
