ദുബായ്; ജീവനക്കാരിയുടെ ശമ്പള കുടിശ്ശികക്രിപ്റ്റോ കറന്സിയില് നല്കാന് ദുബായ് കോടതി സ്വകാര്യ കമ്പനിയോട് ആവശ്യപ്പെട്ട് ഉത്തരവ് നല്കി. ശമ്പള കുടിശിക നല്കുന്നില്ലായെന്ന പരാതിയുമായിയാണ് ജീവനക്കാരി കോടതിയെ സമീപിച്ചത്. സാമ്പത്തിക കേസുകളുടെ ചരിത്രത്തില് തന്നെ ആദ്യമായിയാണ് ശമ്പള കുടിശിക ക്രിപ്റ്റോ കറന്സിയില് നല്കാന് കോടതി ഉത്തരവിട്ടത്.
ശമ്പളം ദിര്ഹത്തിലും ഇക്കോവോട്ട് ടോക്കണ്സ് എന്ന ക്രിപ്റ്റോ കറന്സിയിലും നല്കുമെന്ന് ജീവനക്കാരിയുടെ തൊഴില് കരാറിലുണ്ട്. ശമ്പളം ജീവനക്കാരന്റെ മൗലിക അവകാശമാണെന്നും രാജ്യത്തെ സിവില് ട്രാന്സാക്ഷന് നിയമത്തിന്റെ അടിസ്ഥാനത്തിലാണ് ഈ അവകാശം സ്ഥാപിച്ചിരിക്കുന്നതെന്നും കോടതി പറഞ്ഞു. കഴിഞ്ഞ ആറ് മാസമായി 5250 ഇക്കോവാട്ട് ടോക്കണ് ആണ് കുടിശികയായത്. ഇതിനിടെ ജീവനക്കാരിയെ കമ്പനി പിരിച്ചുവിടുകയും ചെയ്തു.
