ബാലതാരമായി തുടങ്ങി പ്രേക്ഷക മനസ്സിലിടം നേടിയ താരമാണ് ബൈജു സന്തോഷ്. ബാലചന്ദ്രന്ദ്ര മേനോന് സംവിധാനം ചെയ്ത 'മണിയന് പിള്ള അഥവാ മണിയന്പിള്ള' എന്ന ചിത്രത്തില് ബാലതാരമായി അഭിനയിച്ചു തുടങ്ങിയ താരം നൂറോളം ചിത്രങ്ങളില് അഭിനയിച്ചിട്ടുണ്ട്. ചലച്ചിത്രത്തിനു പുറമെ ടെലിവിഷന് സീരിയലുകളിലും അഭിനയിച്ചിട്ടുണ്ട് താരം.
സിനിമകളിൽ എന്ന പോലെ തന്നെ അഭിമുഖങ്ങളിലും തഗ്ഗ് മറുപടികൾ നൽകുന്ന ബൈജുവിനെ പ്രേക്ഷകർക്ക് ഒരുപാടിഷ്ടമാണ്. പറയാനുള്ളത് മുഖം നോക്കാതെ തുറന്നു പറയുന്നതാണ് താരത്തിന്റെ രീതി.
ജീത്തു ജോസഫ് സംവിധാനം ചെയ്ത് പുറത്തിറങ്ങാന് ഇരിക്കുന്ന പുതിയ സിനിമയാണ് നുണക്കുഴി. അതിൽ പ്രധാന വേഷത്തിൽ ബൈജുവും എത്തുന്നുണ്ട്.
ഇപ്പോഴിതാ തന്നെ സൂപ്പർ സ്റ്റാർ എന്ന് അവതാരക വിളിച്ചത് കൊണ്ട് സ്റ്റേജിൽ കയറാതിരിക്കുന്ന ബൈജുവിന്റെ വീഡിയോയാണ് സോഷ്യൽ മീഡിയയിൽ വൈറലാകുന്നത്.
സൂപ്പർ സ്റ്റാർ ബൈജു എന്നാണ് അഭിസംബോധന ചെയ്താണ് അവതാരക ബൈജുവിനെ വേദിയിലേക്ക് ക്ഷണിച്ചത്. എന്നാൽ ബൈജുവിന് ആ വിളി ഇഷ്ടപെട്ടില്ല. എന്നാൽ താൻ ചെറുപ്പം മുതൽ കാണുന്ന അഭിനേതാവ് ആയത് കൊണ്ട് തനിക്ക് സൂപ്പർ സ്റ്റാർ ആണ് ബൈജു എന്ന് പറഞ്ഞ് അവതാരക വീണ്ടും ബൈജുവിനെ വിളിച്ചു. അവസാനം ബൈജു വേദിയിൽ കയറി.
വേദിയിൽ കയറിയ താരം, " ഇതൊരു നല്ല സിനിമയാണ്. ജീവിതത്തിൽ ഒരു തവണയെങ്കിലും നുണ പറഞ്ഞിട്ടുള്ളവർ നുണക്കുഴി കാണണം, അങ്ങനെയെങ്കിൽ തൊണ്ണൂറ് ശതമാനം ആളുകൾ ഇതു കാണേണ്ടി വരും. ജീത്തു ജോസഫ് വെറുതെ ഒരു സിനിമ എടുക്കില്ലെന്നു മലയാളികൾക്ക് അറിയാം. ഞാൻ ഈ സിനിമ കണ്ട ശേഷമാണു ഇതു പറയുന്നത്. കൊള്ളാമെങ്കിലെ ഞാൻ കൊള്ളാമെന്നു പറയു. ഇല്ലെങ്കിൽ ഞാൻ തന്നെ പറയും കൊള്ളില്ല, കാണരുത് എന്ന്. ഇതു പക്ഷേ കൊള്ളാം. രണ്ടു മണിക്കൂർ അഞ്ച് മിനിറ്റ് നന്നായിട്ടു ചിരിക്കാനുള്ളത് ഇതിലുണ്ട്.... " എന്നാണ് ബൈജു പറഞ്ഞത്. നുണക്കുഴി എന്ന സിനിമയുടെ സക്സസ് സെലിബ്രേഷൻ സമയത്താണ് ബൈജു ഇതു പറഞ്ഞത്.
അജു വര്ഗീസ്, സൈജു കുറുപ്പ്, ബിനു പപ്പു, അസീസ് നെടുമങ്ങാട്, സെല്വരാജ്, അല്ത്താഫ് സലിം, സ്വാസിക, നിഖില വിമല്, ശ്യാം മോഹന്, ദിനേശ് പ്രഭാകര്, ലെന, കലാഭവന് യുസഫ്, രാജേഷ് പറവൂര്, റിയാസ് നര്മ്മകല, അരുണ് പുനലൂര്, ശ്യാം തൃക്കുന്നപുഴ, സന്തോഷ് ലക്ഷ്മണന്, കലാഭവന് ജിന്റോ, സുന്ദര് നായക് എന്നിവരാണ് നുണക്കുഴിയില് മറ്റു വേഷങ്ങളില് എത്തുന്നത്.
