മുകേഷ് എംഎല്എക്കെതിരായ ലൈംഗിക പീഡനാരോപണങ്ങളിൽ സിപിഎം കൊല്ലം ജില്ലാ സെക്രട്ടേറിയേറ്റിൽ അതിരൂക്ഷ വിമര്ശനം. യോഗത്തില് മുകേഷിനെതിരായ പരാതി പാര്ട്ടിക്ക് അവമതിപ്പുണ്ടാക്കിയെന്ന് വിമര്ശനം ഉയര്ന്നു.
യോഗത്തില് മുകേഷിനെതിരെ രൂക്ഷ വിമര്ശനമാണ് ഉയര്ന്നത്. വനിതാ അംഗങ്ങള് അടക്കം ഭൂരിപക്ഷം അംഗങ്ങളും രൂക്ഷ വിമര്ശനമാണ് നടത്തിയത്. മുകേഷിനെതിരെ നടിമാര് നടത്തിയ വെളിപ്പെടുത്തലിലും പരാതിയിലും ഗൗരവമായ അന്വേഷണം നടക്കണമെന്നും അംഗങ്ങള് യോഗത്തില് ആവശ്യപ്പെട്ടു.
അതേസമയം, സിപിഎം സംസ്ഥാന നേതൃത്വം ലൈംഗിക ആരോപണങ്ങൾ കടുക്കുമ്പോഴും രാജിക്കായി മുറവിളി ഉയരുമ്പോഴും മുകേഷ് എംൽഎക്ക് സംരക്ഷണ കവചം ഒരുക്കുകയാണ് . നിലവിൽ എംഎൽഎ സ്ഥാനം രാജിവക്കേണ്ടതില്ലെന്നാണ് പാർട്ടി നിലപാട്. ചലച്ചിത്ര നയരൂപീകരണ സമിതിയിൽ നിന്ന് മുകേഷ് സ്വയം ഒഴിയാനാണ് സാധ്യത.
