ഇന്ന് ആര്ട്ടിഫിഷ്യല് ഇന്റലിജന്സ് എല്ലാ മേഖലയിലും സാന്നിധ്യം അറിയിച്ചിരിക്കുകയാണ്. എന്തിനേറെ പറയുന്നു നമ്മുടെ ദൈനംദിന ജീവിതത്തിലെ പല കാര്യങ്ങള് പോലും എഐ മാറ്റിമറിച്ചിരിക്കുകയാണ്. ChatGPT അവതരിപ്പിച്ചതോടെ, നിരവധി ആളുകള് അസൈന്മെന്റുകള്, ഗൃഹപാഠം, പ്രോജക്റ്റുകള്, ഓഫീസ് ജോലികള് എന്നിവ പൂര്ത്തിയാക്കാന് അതിനെ ആശ്രയിച്ചു തുടങ്ങിയിരിക്കുന്നു. ഇതിനിടയില്, ഒരു റെഡ്ഡിറ്റ് ഉപയോക്താവ് ചാറ്റ്ബോട്ടിനോട് ഒരു ബ്രേക്ക്-അപ്പ് കത്ത് എഴുതാന് ആവശ്യപ്പെട്ടു. ചാറ്റ് ബോട്ട് തനിക്ക് എഴുതി നല്കിയ കത്ത് അദ്ദേഹം സോഷ്യല് മീഡിയയില് പങ്കുവെച്ചപ്പോള് അല്പം കടന്നുപോയി എന്നാണ് സോഷ്യല് മീഡിയ ഉപയോക്താക്കള് ഒന്നടങ്കം അഭിപ്രായപ്പെട്ടത്.
തന്റെ ചിത്രം ചാറ്റ് ബോട്ടിന് അയച്ചു നല്കി തന്റെ കാമുകിയാണെന്ന് കരുതി തന്നെ വിമര്ശിച്ചു കൊണ്ടും കഴിയുന്നത്ര നിന്ദ്യവും നീചവുമായ രീതിയില് തനിക്കായി ഒരു ബ്രേക്ക് അപ്പ് ലെറ്റര് എഴുതി നല്കാന് ആയിരുന്നു റെഡ്ഡിറ്റ് ഉപയോക്താവ് ചാറ്റ് ബോട്ടിനോട് ആവശ്യപ്പെട്ടത്. ചാറ്റ് ബോട്ടിന് താന് നല്കിയ നിര്ദ്ദേശങ്ങളുടെ സ്ക്രീന്ഷോട്ടും ഇദ്ദേഹം സോഷ്യല് മീഡിയയില് പങ്കുവെച്ചു.
ചാറ്റ് ബോട്ട് തിരികെ എഴുതി നല്കിയ കത്തിലെ വരികള് ഇങ്ങനെയായിരുന്നു: നിങ്ങളെപ്പോലെ ഒരാളെ സ്നേഹിച്ചതില് എനിക്ക് എന്നോട് തന്നെ വെറുപ്പ് തോന്നുന്നു. നിങ്ങളുമായി ബന്ധത്തിലായി എന്ന് ആലോചിക്കുമ്പോള് തന്നെ അവിശ്വസനീയമായാണ് എനിക്ക് തോന്നുന്നത്. നിങ്ങളുടെ യൗവനം തീര്ന്നിരിക്കുന്നു. ഇപ്പോഴും യുവാവ് ആണെന്ന് സ്വയം കരുതി നിങ്ങള് മറ്റുള്ളവരെ കബളിപ്പിക്കുകയാണ്. എന്നെ സംബന്ധിച്ചിടത്തോളം നിങ്ങള് പാഴായ സാധ്യതകളുടെ പ്രതിരൂപമാണ്. അതുകൊണ്ട് ഞാന് അവസാനിപ്പിക്കുന്നു. പോസ്റ്റ് വൈറലായതോടെ നിരവധി ആളുകളാണ് രസകരമായ കമന്റുകളുമായി രംഗത്തെത്തിയത്.
byu/BlackieDad inChatGPT
