ശ്രീകൃഷ്ണന്റെ ജന്മദിനമായ ജന്മാഷ്ടമി സാധാരണക്കാര് മാത്രമല്ല സെലിബ്രിറ്റികളും വളരെ നല്ല രീതിയിലാണ് ആഘോഷിക്കാറുള്ളത്. അതിന്റെ ചിത്രങ്ങളും മറ്റും താരങ്ങള് സോഷ്യല് മീഡിയയിലൂടെ പങ്കിടാറുമുണ്ട്. കേരളത്തിലെ താരങ്ങള് മാത്രമല്ല തമിഴ്നാട്ടിലും നോര്ത്ത് ഇന്ത്യയിലുമുള്ള താരങ്ങളും ജന്മാഷ്ടമി വലിയ രീതിയില് തന്നെ കൊണ്ടാറുണ്ട്.
ഇപ്പോഴിതാ രജനീകാന്തിന്റെ വീട്ടില് നടന്ന ജന്മാഷ്ടമി ആഘോഷത്തിന്റെ ചിത്രങ്ങള് പങ്കിടുകയാണ് നടിയും സംവിധായികയുമായ സുഹാസിനി മണിരത്നം. ‘‘പ്രിയപ്പെട്ട ലതയുടെ (ജില്ലു) വീട്ടിലെ ജന്മാഷ്ടമി. 40 വർഷമായി പിന്തുടരുന്ന ആചാരം. എന്റെ അമ്മയായിരുന്നു പ്രധാന ശ്രദ്ധാ കേന്ദ്രം. വളരെയധികം സ്നേഹം. സ്നേഹത്തിനും സന്തോഷത്തിനും ലതയ്ക്കും ഐശ്വര്യയ്ക്കും സൗന്ദര്യയ്ക്കും നന്ദി. ചിത്രങ്ങള്ക്ക് മീനയ്ക്കും ഐശ്വര്യയ്ക്കും നന്ദി...’’ എന്നാണ് ചിത്രങ്ങള് പങ്കിട്ട് സുഹാസിനി കുറിച്ചത്. സുഹാസിനിയ്ക്ക് ഒപ്പം അമ്മ കോമളം, നടി മീന, രജനീകാന്തിന്റെ മകള് സൗന്ദര്യ എന്നിവരെയും കാണാം.
