മധ്യകേരളത്തിലും വടക്കന് കേരളത്തിലും മഴ ശക്തമാക്കും. എട്ട് ജില്ലകളില് ഇന്ന് അലര്ട്ട് പ്രഖ്യാപിച്ചു. ആലപ്പുഴ, കോട്ടയം, എറണാകുളം, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. ഇടിമിന്നലോടും കറ്റും കൂടിയ മഴയ്ക്ക് സാധ്യത. മത്സ്യബന്ധന വിലക്ക് തുടരുകയാണ്.
സെപ്തംബര് 01 വരെ കേരളത്തില് ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. വടക്കു കിഴക്കന് അറബിക്കടലില് കച്ചിനും പാകിസ്ഥാനും സമീപപ്രദേശങ്ങളിലായി അതിതീവ്രന്യൂനമര്ദ്ദം സ്ഥിതി ചെയ്യുന്നതിന്റെയും, വടക്കന് ആന്ധ്രാ പ്രദേശിനും തെക്കന് ഒഡീഷക്കും സമീപത്തായി സ്ഥിതിചെയ്തിരുന്ന ന്യൂനമര്ദ്ദം ശക്തിയേറിയ ന്യൂനമര്ദ്ദമായി മാറിയതിന്റെയും സ്വാധീനഫലമായാണ് നിലവില് സംസ്ഥാന വ്യാപകമായി മഴ ലഭിക്കുന്നത്.
