ഈ മാസം 9 മുതല് സൗജന്യ ഓണക്കിറ്റ് വിതരണം ആരംഭിക്കുമെന്ന് ഭക്ഷ്യ വകുപ്പ് മന്ത്രി ജി ആര് അനില്. വിതരമം നടക്കുന്നത് റേഷന്കടകള് വഴിയാണ്.മൂന്ന് ദിവസംകൊണ്ട് കിറ്റുകളുടെ വിതരമം പൂര്ത്തിയാക്കുമെന്നും അദ്ദേഹം വ്യക്തമാക്കി.ആറുലക്ഷത്തോളം മഞ്ഞക്കാര്ഡ് ഉടമകള്, ക്ഷേമ സ്ഥാപനങ്ങളിലെ അന്തേവാസികള്, വയനാട് ദുരിന്ത മേഖലയിലെ കാര്ഡ് ഉടമകള് എന്നിവര്ക്കാണ് സൗജന്യ ഓണക്കിറ്റ് നല്കുന്നത്.
വെള്ള, നീല റേഷന് കാര്ഡ് ഉടമകള്ക്ക് 10 രൂപ 90 പൈസ നിരക്കില് 10 കിലോ അരി നല്കും. വിപണിയില് 50 രൂപയിലധികം വിലയുള്ള അരിയാണ് നല്കുന്നത്. മഞ്ഞ റേഷന് കാര്ഡ് ഉടമകള്ക്കുള്ള പഞ്ചസാര വിതരണം പുനസ്ഥാപിക്കുമെന്നും വിലയില് നേരിയ വര്ധന വരുത്തേണ്ടി വരുമെന്നും മന്ത്രി ജി ആര് അനില് അറിയിച്ചു.
