കുടുംബസമേതമായി പാരീസിലെത്തിയിരിക്കുകയാണ് ഉത്തര ഉണ്ണി. മുന്പൊരിക്കല് ഇവിടേക്ക് വന്നിരുന്നു. അന്നൊരു സെല്ഫി സ്റ്റിക്ക് ഒക്കെ കൈയ്യിലുണ്ടായിരുന്നു. ഈഫല് ടവറിന് മുന്നില് നിന്ന് ഫോട്ടോ എടുത്തിരുന്നു. ഇന്നിപ്പോള് കുടുംബസമേതമായി എത്തിയിരിക്കുകയാണ്.
വീണ്ടും ഈഫല് ടവറിന് മുന്നില് നിന്ന് ചിത്രങ്ങള് പകര്ത്താനായതിന്റെ സന്തോഷം പങ്കിട്ടിരിക്കുകയാണ് ഉത്തര ഉണ്ണി. ഇത്തവണ നിതേഷും ധീമഹിയും കൂട്ടിനുണ്ട്. ഇത് ആഗ്രഹിച്ചൊരു വരവ് തന്നെയായിരുന്നുവെന്ന് ഉത്തര ഉണ്ണി കുറിച്ചിട്ടുണ്ട്.
ഇന്നത്തെ ദിവസം കണ്ടതില് മനോഹരമായ ചിത്രം. നല്ലൊരു കുടുംബ ഫോട്ടോ. ഫോട്ടോയില് നിന്നും കണ്ണെടുക്കാന് തോന്നുന്നില്ല, തുടങ്ങി നിരവധി കമന്റുകളാണ് ചിത്രങ്ങള്ക്ക് താഴെയുള്ളത്.
ഉത്തര ഉണ്ണിയുടെ ലുക്കിനെക്കുറിച്ചായിരുന്നു കൂടുതല് പേരും പറഞ്ഞത്. വീണ്ടും മെലിഞ്ഞ് ഫിറ്റ്നസ് വീണ്ടെടുത്തിരിക്കുകയാണ് ഉത്തര. അങ്ങനെ മെലിയാനായിട്ട് ഞാനൊന്നും ചെയ്തിട്ടില്ലെന്ന് മുന്പ് ഉത്തര ഉണ്ണി പറഞ്ഞിരുന്നു.
ബിസിനസുകാരനായ നിതേഷാണ് ഉത്തര ഉണ്ണിയുടെ ജീവിതപങ്കാളി. ചിലങ്ക അണിയിച്ചായിരുന്നു നിതേഷ് അന്ന് ഉത്തര ഉണ്ണിയെ പ്രൊപ്പോസ് ചെയ്തത്. കരിയറിലും ജീവിതത്തിലും അത്രമേല് പിന്തുണയാണ് നിതേഷ് നല്കുന്നതെന്ന് ഉത്തര ഉണ്ണി തന്നെ പറഞ്ഞിരുന്നു.
മകളായ ധീമഹിയും ഈ യാത്രയില് ഇവരോടൊപ്പമുണ്ട്. ഗര്ഭകാല വിശേഷങ്ങളെല്ലാം ഉത്തര ഉണ്ണി സോഷ്യല്മീഡിയയിലൂടെ പങ്കുവെച്ചിരുന്നു. ഗര്ഭിണിയായിരുന്നപ്പോഴും ഡാന്സ് ചെയ്തിരുന്നു ഉത്തര ഉണ്ണി.
