ഖത്തര് പ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് മുഹമ്മദ് ബിന് അബ്ദുള്റഹ്മാന് ബിന് ജാസിം അല്താനിയുമായി ഇന്ത്യന് വിദേശകാര്യ മന്ത്രി എസ് ജയശങ്കര് കൂടിക്കാഴ്ച്ച നടത്തി. ജയശങ്കര് ദ്വിദിന സന്ദര്ശനത്തിനായി ഇന്നലെ സൗദിയിലെത്തിയത് ഇന്ത്യ - ഗള്ഫ് സഹകരണ കൗണ്സിലിന്റെ പ്രഥമ വിദേശകാര്യ മന്ത്രിമാരുടെ യോഗത്തില് പങ്കെടുക്കാനാണ. കൂടിക്കാഴ്ചയില് ഉഭയകക്ഷി സഹകരണം വിപുലീകരിക്കുന്നതിനുള്ള വഴികളും ഇരുവരും ചര്ച്ച ചെയ്തു
'ഖത്തര് പ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് മുഹമ്മദ് ബിന് അബ്ദുള്റഹ്മാന് ബിന് ജാസിം അല്താനിയുമായി ഒരു നല്ല കൂടിക്കാഴ്ചയോടെയാണ് ദിവസം ആരംഭിച്ചത്. ഇന്ത്യ-ഖത്തര് ഉഭയകക്ഷി ബന്ധം മുന്നോട്ട് കൊണ്ടുപോകുന്നത് ചര്ച്ച ചെയ്തു. പ്രാദേശിക സംഭവവികാസങ്ങളെക്കുറിച്ചുള്ള അദ്ദേഹത്തിന്റെ ഉള്ക്കാഴ്ചകളെയും വിലയിരുത്തലുകളെയും അഭിനന്ദിക്കുന്നു, ''ജയശങ്കര് എക്സില് കുറിച്ചു.
