മലപ്പുറം ; മലപ്പുറത്ത് നിപ രോഗലക്ഷണങ്ങളുള്ള 10 പേരുടെ സാംപിള് ആരോഗ്യവകുപ്പ് ശേഖരിച്ചു.കോഴിക്കോട്ടെ ലാബില് ഇത് പരിശോധിക്കുമെന്നാണ് അധികൃതര് അറിയിച്ചത്. സമ്പര്ക്കപ്പട്ടികയില് മൊബൈല് ടവര് ലൊക്കേഷന് കേന്ദ്രീകരിച്ച് പരിശോധന ആരംഭിച്ചു.ബംഗളൂരുവില് നിന്നും എത്തിയ ശേഷം, നിപ ബാധിച്ചു മരിച്ച വിദ്യാര്ത്ഥി എവിടെയെല്ലാം പോയി എന്നാണ് പരിശോധിക്കുന്നത്. മലപ്പുറം ജില്ലയില് മാസ്ക് നിര്ബന്ധമാക്കിയിട്ടുണ്ട്.
നിപ ബാധിച്ച് മരിച്ച 24 കാരന്റെ സംസ്കാര ചടങ്ങില് പങ്കെടുത്ത 15 സഹപാഠികളെയും നിരീക്ഷണത്തിലാക്കി. നിപ സ്ഥിരീകരിച്ചതിനു പിന്നാലെ ബംഗളൂരുവിലും ജാഗ്രതാ നിര്ദേശം പുറപ്പെടുവിച്ചു. മരിച്ച വിദ്യാര്ത്ഥിയുമായും, രോഗലക്ഷണങ്ങള് സംശയിക്കുന്നരുമായെല്ലാം സമ്പര്ക്കത്തിലേര്പ്പെട്ടവരെ കണ്ടെത്താനുള്ള പരിശോധന ആരോഗ്യവകുപ്പ് തുടങ്ങിയിട്ടുണ്ട്. നിപ സ്ഥിരീകരിച്ച മലപ്പുറം ജില്ലയില് ആരോഗ്യവകുപ്പ് കണ്ട്രോള് റൂം തുറന്നു. ഫോണ് 0483 2732010, 0483 2732060.
