മാരകരോഗങ്ങള് പരത്തുന്നതില് മുന്പന്തിയിലാണ് കൊതുകുകള്. ഡെങ്കിപ്പനി, മലേറിയ തുടങ്ങി കൊതുകകള് സംഭാവന ചെയ്യുന്ന രോഗങ്ങള് നിരവധിയാണ്. മഴക്കാലങ്ങളില് ആണ് കൊതുകുകള് സജീവമാകുന്നതും. ഈ സമയത്ത് നിരവധി കേസുകളാണ് റിപ്പോര്ട്ട് ചെയ്യപ്പെടുന്നത്. മനുഷ്യന് മാത്രമല്ല മൃഗങ്ങള്ക്കും ഇത്തരം രോഗങ്ങള് പിടിപെടാം. അതുകൊണ്ട് തന്നെ മനുഷ്യനെപോലെ തന്നെ ഇവയ്ക്കും കൊതുകളില് നിന്ന് സംരക്ഷണം ആവശ്യമാണ്. ഇതിനായി ഇലക്ട്രിക് ബാറ്ററുകള് മുതല് പലതരത്തിലുള്ള കൊതുകു വലകള് വരെ ആളുകള് ഉപയോഗിക്കാറുണ്ട്. മനുഷ്യനും മൃഗങ്ങള്ക്കും ഇവ ഇന്ന് വ്യാപകമായി ഉപയോഗിക്കുന്നുണ്ട്.
കഴിഞ്ഞ ദിവസം ഇതാ കൊതുകില് നിന്ന് തന്റെ വളര്ത്തുമൃഗങ്ങളായ പോത്തുകളെ രക്ഷിക്കാന് ഒരു മനുഷ്യന് അവയെ കൊതുക് വലയ്ക്കുള്ളിലാക്കിയിരിക്കുന്നതിന്റെ ചിത്രങ്ങളാണ് ഇപ്പോള് സോഷ്യല് മീഡിയയില് വൈറലാകുന്നത്. പോത്തുകളെ പാര്പ്പിച്ചിരിക്കുന്ന കൊതുകുവലയ്ക്ക് ചുറ്റും പറ്റിപ്പിടിച്ചിരിക്കുന്നത് ആയിരക്കണക്കിന് കൊതുകുകളാണ് എന്നതാണ് വീഡിയോ കാണുന്നവരെ അത്ഭുതപ്പെടുത്തുന്ന കാര്യം. കൊതുകുവലയുടെ പുറംഭാഗം പൂര്ണ്ണമായും കൊതുകുകളാല് മൂടപ്പെട്ടിരിക്കുന്നു. ആ കൊതുകുവല ഇല്ലെങ്കില് മൃഗങ്ങളുടെ കാര്യം ഏറെ ഭയാനകാമായിരിക്കും എന്ന കാര്യത്തില് സംശയമില്ല. ശരീരത്തിന്റെ നിറം കാരണം കൊതുകുകള് പോത്തുകള്ക്ക് ചുറ്റും പറക്കുന്ന പ്രവണത കൂടുതലാണെന്നാണ് നിരവധി റിപ്പോര്ട്ടുകള് സൂചിപ്പിക്കുന്നത്.
ഇതിനോടകം 41 ലക്ഷത്തിലധികം ആളുകളാണ് വീഡിയോ കണ്ടത്. ഒരു ലക്ഷത്തിലധികം പേരാണ് വീഡിയോ ലൈക്ക് ചെയ്തത്. മൃഗങ്ങളുടെ വേദന മനസ്സിലാക്കിയ ആ മനുഷ്യന് ഒരു വലിയ വ്യക്തിയാണ് എന്നാണ് നെറ്റീസണ്സ് പോത്തുകളുടെ ഉടമയെ വിശേഷിപ്പിച്ചിരിക്കുന്നത്. കരുതലുള്ള കെയര്ടേക്കള് എന്നാണ് മറ്റൊരു ഉപഭോക്താവ് കുറിച്ചത്.
