ബോഡി ബിൽഡിങിൽ ബോളിവുഡ് താരം സൽമാൻഖാനോട് മത്സരിക്കാൻ നിലവിൽ സിനിമ മേഖലയിൽ ആരുമില്ലെന്ന് പറയേണ്ടി വരും. അമ്പത് വയസ് കഴിഞ്ഞെങ്കിലും ചിട്ടയായ ബോഡി ബിൽഡിങ് ഒരിക്കലും സൽമാൻ ഖാൻ മുടക്കാറില്ല. സൽമാന്റെ പുതിയ വർക്ക് ഔട്ട് ചിത്രമാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. എ ആർ മുരുഗദോസ് സംവിധാനം ചെയ്യുന്ന പുതിയ ചിത്രം സിക്കന്ദറിന് വേണ്ടിയാണ് സല്ലു ഭായിയുടെ പുതിയ മസിൽ ബിൽഡിങ്.
സാജിദ് നദിയാദ്വാല നിർമിക്കുന്ന ചിത്രം ഉടനെ ചിത്രീകരണം ആരംഭിക്കും. ഇതിന് മുന്നോടിയായിട്ടാണ് സൽമാന് വർക്ക് ഔട്ട് ശക്തമാക്കിയത്. ചിത്രം 2025 ൽ ഈദ് റിലീസ് ആയിട്ടാണ് തിയേറ്ററുകളിൽ എത്തുക. ഒരിടവേളക്ക് ശേഷമാണ് എ ആർ മുരുഗദോസ് ബോളിവുഡിലേക്ക് തിരികെയെത്തുന്നത്.
രശ്മിക മന്ദാന നായികയായെത്തുന്ന ചിത്രത്തിൽ സത്യരാജ് വില്ലൻ വേഷത്തിലെത്തുമെന്നാണ് റിപ്പോർട്ടുകൾ. 400 കോടി രൂപ ബജറ്റിലാണ് ചിത്രം ഒരുങ്ങുന്നതെന്നും റിപ്പോർട്ടുകൾ ഉണ്ട്.
ഷാരുഖ് ഖാനൊപ്പം സ്പൈ സീരിസിലെ 'ടൈഗർ വേഴ്സസ് പഠാനാ'ണ് സൽമാൻ ഖാന്റെതായി അണിയറയിൽ ഒരുങ്ങുന്ന മറ്റൊരു ചിത്രം. സിദ്ധാർത്ഥ് ആനന്ദിന്റെ സംവിധാനത്തിലൊരുങ്ങുന്ന ചിത്രം ഈ വർഷം റിലീസ് ചെയ്യുമെന്നാണ് പ്രതീക്ഷ
