കണ്ണില് അസഹീനയമായ ചൊറിച്ചിലിനെ തുടര്ന്ന് ആശുപത്രയില് എത്തിയ 20 കാരിയുടെ കണ്ണില് ജീവനുള്ള വിര. പല ആശുപത്രികളില് കാണിച്ചിട്ടും മരുന്നുകള് മാറി മാറി ഉപയോഗിച്ചിട്ടും പ്രശ്നം എന്താണെന്ന് കണ്ടെത്താനായില്ല. ചൊറിച്ചിലിനും മാറ്റമില്ല. തുടര്ന്ന് മഞ്ചേരി മെഡിക്കല് കോളെജില് നടത്തിയ പരിശോധനയിലാണ് ഡോ. അനൂപ് രവി പെണ്കുട്ടിയുടെ കണ്ണില് വിരയെ കണ്ടെത്തിയത്.
ഇടതു കണ്പോളയിലും തൊലിക്കടിയിലൂടെ സഞ്ചരിച്ച് വലത് കണ്പോളക്കടിയിലും വിരയെ കണ്ടെത്തി. കണ്പോളയില് ചെറിയ മുറിവുണ്ടാക്കി അതിലൂടെയാണ് 16 സെന്റീമീറ്റര് നീളമുള്ള ജീവനുള്ള വിരയെ പുറത്തെടുത്തത്. ഏത് തരം വിരയാണെന്നറിയാന് പരിശോധനയ്ക്കയച്ചിട്ടുണ്ട്.
