എന്നും എപ്പോഴും എന്ന ചിത്രത്തിന് ശേഷം സത്യന് അന്തിക്കാടും മോഹന്ലാലും വീണ്ടും ഹിറ്റ് കോമ്പോ ഒന്നിക്കുമ്പോള് പ്രേക്ഷകര്ക്ക് മുന്നിലെത്തുന്നത് ഫണ് മോഡിലുള്ള സിനിമയാണ്. ഒന്പത് വര്ഷത്തിന് ശേഷമുള്ള സത്യന് അന്തിക്കാട്- മോഹന്ലാല് ചിത്രത്തിനിട്ട പേര് ‘ഹൃദയപൂര്വ്വം’ എന്നാണ്. ഈ സിനിമയുടെ ഓരോ അപ്പ്ഡേഷനുകളും സത്യന് അന്തിക്കാട് തന്നെ പങ്കിടുന്നുണ്ട്. സിനിമ അനൗണ്സ് ചെയ്ത നിമിഷം മുതല് ആരാണ് നായികയെന്ന ചോദ്യവും പല ആരാധകരും കുറിക്കുന്നുണ്ട്.
ഇപ്പോഴിതാ അതിനുള്ള ഉത്തരം സോഷ്യല് മീഡിയയിലൂടെ കുറിക്കുകയാണ് സത്യന് അന്തിക്കാട്. ആരാണ് നായികയെന്ന് കൃത്യ വിശദീകരണങ്ങളോടെയാണ് താരം കുറിക്കുന്നത്.
‘‘ഹൃദയപൂർവ്വം’ എന്ന പുതിയ സിനിമയുടെ ഷൂട്ടിംഗിനു മുമ്പുള്ള ജോലികളിലാണിപ്പോൾ. ഡിസംബറിൽ തുടങ്ങണം. ഈ മാസം പാട്ടുകളുടെ കമ്പോസിംഗ് ആരംഭിക്കണം. ആരാണ് നായിക എന്ന് പലരും ചോദിക്കാറുണ്ട്. അതിനുള്ള ഉത്തരമാണ് ഈ കുറിപ്പ്.
ഐശ്വര്യാലക്ഷ്മിയാണ് നായിക. മായാനദിയിലും ഞണ്ടുകളുടെ നാട്ടിൽ ഒരിടവേളയിലും വരത്തനിലുമൊക്കെ ഐശ്വര്യയുടെ മികച്ച പ്രകടനം നമ്മൾ കണ്ടിട്ടുണ്ട്. മോഹൻലാലിനോടൊപ്പം ഐശ്വര്യ അഭിനയിക്കുന്ന ആദ്യ സിനിമയായിരിക്കും ‘ഹൃദയപൂർവ്വം’.
മറ്റൊരു പ്രധാന കഥാപാത്രത്തെ അവതരിപ്പിക്കുന്നത് ‘ചിന്താവിഷ്ടയായ ശ്യാമള’യിലൂടെ നമ്മളെ വിസ്മയിപ്പിച്ച സംഗീതയാണ്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന 'ഹൃദയപൂർവ്വം' ഒരു നല്ല ചലച്ചിത്രാനുഭവമാക്കാനുള്ള ശ്രമത്തിലാണ് ഞങ്ങളെല്ലാവരും...’’ കുറിപ്പും ചിത്രവും പങ്കിട്ട് സത്യന് അന്തിക്കാട് കുറിച്ചു.
നൈറ്റ് ഷിഫ്റ്റ് എന്ന ഹിറ്റ് ഷോർട്ട് ഫിലിം ഒരുക്കിയ ടി പി സോനുവാണ് ഹൃദയപൂർവ്വത്തിന്റെ തിരക്കഥ ഒരുക്കുന്നത്. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര് ആണ് സിനിമ നിര്മിക്കുന്നത്. ആരാധകര് ഏറെ ആകാംക്ഷയോടെ കാത്തിരിക്കുന്ന ചിത്രം കൂടിയാണിത്.
